புதுடெல்லி: முதல்வர் அரவிந்த் கெஜ்ரிவாலின் அரசியல் வாழ்க்கையை கேள்விக்குறியாக்கிய மதுக்கொள்கை ஊழல் வழக்கை மத்திய அமைச்சர் அஸ்வினி வைஷ்ணவ் விமர்சித்துள்ளார். இது குறித்து மத்திய தகவல் மற்றும் ஒளிபரப்புத்துறை அமைச்சர் அஷ்வினி வைஷ்ணவ் கூறியதாவது: மதுபான கொள்கை ஊழலில் அரவிந்த் கெஜ்ரிவாலுக்கு நேரடி தொடர்பு உள்ளது.
இந்த மோசடியில் கிடைத்த பணத்தை நேரடியாக பயன்படுத்தினார். மதுபான ஊழல் அவரது அரசியல் வாழ்க்கையை கேள்விக்குறியாக வைத்துள்ளது. அவர்களுடன் காங்கிரஸ் கட்சியும் இந்த ஊழலில் இணைந்துள்ளது. டெல்லியை கொள்ளையடிக்க இரு கட்சிகளும் கூட்டணி அமைத்துள்ளன.
மலை போன்ற குப்பையை அகற்றுவது, டெல்லியை சுத்தம் செய்வது போன்ற வாக்குறுதிகள் எதையும் அவர்கள் நிறைவேற்றவில்லை. டெல்லிக்கு தண்ணீர் வழங்குவதை அவர்களால் உறுதிப்படுத்த முடியவில்லை. ஆனால் அவர்கள் முற்றிலும் மதுவில் கவனம் செலுத்தினார்கள்.
குற்றச்சாட்டுகளை நிரூபிக்க எந்த ஆதாரமும் இல்லை என்று கெஜ்ரிவால் கூறுவார். ஆனால் அமலாக்கத்துறை முழு ஆதாரங்களையும் நீதிமன்றத்தில் தாக்கல் செய்துள்ளது. இவ்வாறு அவர் கூறினார்.
