காத்மண்டு: நேபாளத்தில் நேற்று முன்தினம் சக்திவாய்ந்த நிலநடுக்கம் ஏற்பட்டது. இந்த நிலநடுக்கம் பீஹாரின் பாட்னா உள்ளிட்ட இந்திய பகுதிகளிலும் உணரப்பட்டது. பொதுமக்கள் மிகவும் பீதியடைந்து வீடுகளை விட்டு வெளியேறி, வீதிகளில் தஞ்சம் புகுந்தனர்.
சிந்துபல்சோக் மாவட்டத்தின் பைரப் குந்தா பகுதியில் இன்று அதிகாலை 2.35 மணியளவில் இந்த நிலநடுக்கம் உணரப்பட்டுள்ளது. இந்த நிலநடுக்கம் நேபாளம் மட்டுமின்றி, பீஹாரின் பாட்னா, மேற்கு வங்கத்தின் சிலிகுரி உள்ளிட்ட பல்வேறு பகுதிகளிலும் நில அதிர்வை ஏற்படுத்தியது.
இதனால் கட்டடங்கள் குலுங்கினாலும், உயிர்ச்சேதம் அல்லது பொருட்சேதம் குறித்து எந்த தகவலும் வெளியாகவில்லை. ஜெர்மனி புவி அறிவியல் ஆராய்ச்சி மையத்தின் கணிப்பின்படி, இந்த நிலநடுக்கம் ரிக்டர் அளவுகோலில் 5.6 ஆக பதிவானது, மேலும் இந்தியாவின் தேசிய நிலநடுக்க ஆய்வு மையம் 5.5 எனக் கணித்துள்ளது.
கடந்த ஜனவரி மாதம், ஹிமாலய பகுதியான திபெத்தில் 6 முறை சக்திவாய்ந்த நிலநடுக்கம் ஏற்பட்டது, இதில் 7.1 ரிக்டர் அளவுகோல் வரை அசைந்தது, மற்றும் அதில் 125 பேர் உயிரிழந்தனர்.
