டெல்லி: டெல்லியின் அனைத்துப் பகுதிகளிலும் சுற்றித் திரியும் தெருநாய்களை விரைவில் பிடிக்குமாறு டெல்லி அரசு மற்றும் உள்ளாட்சி அமைப்புகளுக்கு உச்ச நீதிமன்றம் நேற்று உத்தரவிட்டிருந்தது. அந்த நாய்களை நாய் காப்பகங்களில் வைக்க வேண்டும். தற்போதைக்கு சுமார் 5,000 தெருநாய்களை தங்க வைக்க தங்குமிடங்கள் கட்டப்பட வேண்டும்.
தெருநாய்களுக்கு கருத்தடை மற்றும் தடுப்பூசி போட அங்கு போதுமான ஊழியர்கள் நியமிக்கப்பட வேண்டும். தெருநாய்களைப் பிடிக்கும் அதிகாரிகளுக்கு எதிராக தனிநபர்கள் அல்லது அமைப்புகள் புகார் அளித்தால், அவர்கள் மீது கடுமையான நடவடிக்கை எடுக்கப்படும் என்று தெரிவிக்கப்பட்டது. இந்த சூழ்நிலையில், மக்களவை எதிர்க்கட்சித் தலைவர் ராகுல் காந்தி உச்ச நீதிமன்றத்தின் தீர்ப்பை விமர்சித்துள்ளார்.
இது தொடர்பாக அவர் பதிவிட்ட பதிவில், அவர் கூறியதாவது; டெல்லி மற்றும் என்சிஆரில் இருந்து அனைத்து தெருநாய்களையும் அகற்ற உச்ச நீதிமன்றத்தின் உத்தரவு பல தசாப்த கால மனிதாபிமான மற்றும் அறிவியல் அடிப்படையிலான கொள்கையிலிருந்து பின்னோக்கிச் செல்லும் ஒரு படியாகும். இந்த வாயில்லாத உயிரினங்கள் அழிக்கப்பட வேண்டிய பிரச்சனை அல்ல.
தங்குமிடங்கள், கருத்தடை, தடுப்பூசி மற்றும் சமூகப் பராமரிப்பு ஆகியவை தெருக்களைப் பாதுகாப்பாக வைத்திருக்க முடியும் – கொடுமை இல்லாமல். தெருநாய்களை முற்றிலுமாக ஒழிப்பது கொடூரமானது, குறுகிய பார்வை கொண்டது. மேலும் அது இதயமற்றது. பொதுப் பாதுகாப்பும் விலங்கு நலனும் கைகோர்த்துச் செல்வதை நாம் உறுதி செய்ய முடியும் என்று ராகுல் கூறினார்.
