உத்தரப் பிரதேசத்தின் ரேபரேலி மாவட்டத்தில் மத்திய அரசின் முக்கிய திட்டங்கள் தொடர்பான திஷா ஒருங்கிணைப்பு கூட்டம் நடைபெற்றது. இதில் எதிர்க்கட்சித் தலைவர் ராகுல் தலைமையேற்றிருந்தார். கூட்டத்தில் பாஜகவைச் சேர்ந்த மாநில அமைச்சர் தினேஷ் பிரதாப் சிங் திடீரென கேள்வி எழுப்பியதால், ராகுல் அதிருப்தியடைந்து, “நான் தலைமையேற்றிருக்கிறேன், பேச முன் அனுமதி பெற வேண்டும்” என்று எச்சரித்தார்.
இந்த எச்சரிக்கையை அடுத்து இருவருக்கும் இடையே காரசாரமான வாக்குவாதம் ஏற்பட்டது. கூட்டத்தில் இருந்த அமேதி எம்.பி. கிஷோரி லால், “தலைவரிடம் அனுமதி கேட்காமல் அமைச்சர் பேசியது நடைமுறைக்கு முரணானது” என்று குற்றஞ்சாட்டினார். இதனால் சூடுபிடித்த கூட்டத்தின் வீடியோ சமூக வலைத்தளங்களில் பரவி, அரசியல் வட்டாரத்தில் பரபரப்பை ஏற்படுத்தியது.
சம்பவம் குறித்து காங்கிரஸ் ஆதரவாளர்கள், ராகுலின் தலைமையை மதிக்காமல் நடந்துகொண்ட அமைச்சர் தவறானவர் என்று வாதிட்டுள்ளனர். அதேவேளை, எதிர்க்கட்சிகள், “கேள்விகளுக்கு இடமில்லை என்றால் அது ஜனநாயகத்துக்கு எதிரானது” என்று ராகுலை சாடுகின்றனர்.
இந்த விவகாரம் உ.பி. அரசியல் சூழ்நிலையை மேலும் சூடுபடுத்தியுள்ளது. மத்திய திட்டங்களின் நடைமுறை சீராய்வு கூட்டம் அரசியல் வாதப்போருக்கான மேடையாக மாறி, வருங்காலத்தில் இது தொடர்ச்சியான சர்ச்சைக்குரிய பிரச்சாரமாகும் என்று பார்க்கப்படுகிறது.
