டெல்லி: நீட் தேர்வால் ஏற்படும் மரணங்களைத் தடுக்க உச்ச நீதிமன்றம் 15 வழிகாட்டுதல்களை வெளியிட்டுள்ளது. இரண்டு மாதங்களுக்குள் நீட் பயிற்சி மையங்களை ஒழுங்குபடுத்தும் விதிமுறைகளை வெளியிட மத்திய அரசுக்கு உத்தரவிட்டுள்ளது.
விசாகப்பட்டினத்தைச் சேர்ந்த 17 வயது நீட் பயிற்சி மாணவி 2023-ம் ஆண்டு விடுதியில் சந்தேகத்திற்கிடமான சூழ்நிலையில் இறந்தார். இதைத் தொடர்ந்து, சிபிஐ விசாரணை கோரி அவரது தந்தை தாக்கல் செய்த மனுவை உயர் நீதிமன்றம் தள்ளுபடி செய்தது. இதைத் தொடர்ந்து, மாணவியின் மரணம் தொடர்பான வழக்கை சிபிஐ விசாரணைக்கு மாற்ற உச்ச நீதிமன்றம் உத்தரவிட்டது.
நீட் இறப்புகளைத் தடுக்க நாடு முழுவதும் விரிவான வழிகாட்டுதல்களை வெளியிட வேண்டும் என்றும் தீர்ப்பளித்தது. அதன்படி, நீட் பயிற்சி மையங்களை ஒழுங்குபடுத்தவும் கட்டுப்படுத்தவும் ஒரு சட்டம் இயற்றப்பட வேண்டும். அதற்கு முன், இரண்டு மாதங்களுக்குள் விதிமுறைகளை வகுத்து செயல்படுத்த வேண்டும். பயிற்சி மையங்களின் பதிவை கட்டாயமாக்க மத்திய அரசு மற்றும் அனைத்து மாநில அரசுகளுக்கும் உத்தரவிடப்பட்டுள்ளது.
மேலும், உருவாக்கப்பட்டு செயல்படுத்தப்பட்ட விதிகளின் விவரங்கள் குறித்து 3 மாதங்களுக்குள் உச்ச நீதிமன்றத்தில் அறிக்கை தாக்கல் செய்ய மத்திய அரசுக்கு உத்தரவிடப்பட்டுள்ளது. இது தவிர, நீட் தேர்வு தொடர்பாக அனைத்து கல்வி நிறுவனங்களிலும் மாணவர்களுக்கு பொருத்தமான மனநல ஆலோசனை வழங்குவது உட்பட 15 பரிந்துரைகளை வழங்கி உச்ச நீதிமன்றம் விரிவான தீர்ப்பை வழங்கியுள்ளது. இந்த உத்தரவுகளை செயல்படுத்துவதை கண்காணிக்க மாவட்ட ஆட்சியர்களுக்கு உத்தரவிடப்பட்டுள்ளது.
