மத்திய வெளியுறவுத்துறை அமைச்சர் ஜெய்சங்கருக்கு வழங்கப்படும் பாதுகாப்பு மேலும் பலப்படுத்தப்பட்டுள்ளது. 1977ஆம் ஆண்டு இந்திய வெளியுறவுத்துறையில் சேர்ந்த ஜெய்சங்கர், 1985 முதல் 1988 வரையிலான காலகட்டத்தில் மாஸ்கோவில் உள்ள இந்திய தூதரகத்தில் பணியாற்றியவர். தற்போது வெளியுறவுத்துறை அமைச்சராக பணியாற்றி வருகிறார்.தற்போது அவரது பாதுகாப்பு இன்னும் வலுவாக மாற்றப்பட்டுள்ளது.
புல்லூப்ரூப் கார் மூலம் அவரின் பயணங்களுக்கு ஏற்பாடு செய்யப்பட்டுள்ளது. டில்லியில் உள்ள அவரது வீட்டைச் சுற்றி கூடுதல் பாதுகாப்பு பலப்படுத்தப்பட்டுள்ளது.ஜெய்சங்கருக்கு ஏற்கனவே மத்திய ரிசர்வ் போலீஸ் படையின் Z-பிரிவு பாதுகாப்பு அளிக்கப்பட்டிருந்தது. இதன் கீழ் 24 மணி நேரமும் 33 கமாண்டோக்கள் கொண்ட குழு அவரைப் பாதுகாக்கின்றது.
அண்மையில் பஹல்காம் பகுதியில் நிகழ்ந்த பயங்கரவாதத் தாக்குதல், மேலும் இந்திய-பாகிஸ்தான் எல்லையில் ஏற்பட்டுள்ள பதற்றங்கள் காரணமாகவே இந்த பாதுகாப்பு அதிகரிக்கப்பட்டதாக டில்லி அரசு வட்டாரங்கள் தெரிவித்துள்ளன.இந்தப் பாதுகாப்பு நடவடிக்கைகள், தேசிய தலைவர்களின் பாதுகாப்பு முக்கியத்துவம் பெற்ற கட்டத்தை உணர்த்துகின்றன. பயங்கரவாத அச்சுறுத்தல்களுக்கு எதிராக அரசு முன்னெச்சரிக்கை நடவடிக்கைகளை மேற்கொண்டு வருகிறது.
ஜெய்சங்கர், இந்தியாவின் வெளிவிவகாரங்களை வலுவாக எதிர்நோக்கி செயல்படும் அமைச்சராக திகழ்கிறார். அவரது வெளிநாட்டு ஒப்பந்தங்கள் மற்றும் உறவுகளை மேம்படுத்தும் பணி தொடரும் நிலையில், பாதுகாப்பு மேலதிகப்படுத்துவது அவசியமாகிறது.இந்த பாதுகாப்பு மாற்றம் அவர் நாட்டு நலனுக்காக செய்யும் சேவைகளுக்கு தடையாக அமையாது என்றும், மேலும் உறுதியுடன் செயற்பட அவர் தயாராக உள்ளதாக நம்பப்படுகிறது.
மத்திய உள்துறை மற்றும் பாதுகாப்புத் துறைகளும் அவரின் பாதுகாப்பை உறுதி செய்ய தேவையான அனைத்து ஏற்பாடுகளையும் செய்துள்ளதாகவும் கூறப்படுகிறது.இந்நிலையில், இந்திய அரசின் திடமான நிலைப்பாடு மற்றும் பாதுகாப்பு ஏற்பாடுகள் எதிர்கால அச்சுறுத்தல்களை தடுக்க உறுதியாக இருக்கும் என்று வல்லுநர்கள் கருத்து தெரிவிக்கின்றனர்.
