பஹல்காம் பகுதியில் நடைபெற்ற பயங்கரவாத தாக்குதலுக்கு பதிலாக, இந்திய ராணுவம் ‘ஆபரேஷன் சிந்தூர்’ என்ற பெயரில் வான்வெளி தாக்குதலை நடத்தி, பாகிஸ்தான் ஆதரவு பயங்கரவாதிகளின் கூடாரங்களை அழித்தது. இந்த தாக்குதலில் இந்தியாவின் வீரர்களின் தைரியத்தையும், விரைவு நடவடிக்கையையும் நாடு முழுவதும் பாராட்டி வருகிறது.
இந்த வீரச் செயலுக்கு மதிப்பளிக்கும் வகையில், ஏர் இந்தியா மற்றும் ஏர் இந்தியா எக்ஸ்பிரஸ் விமான நிறுவனங்கள் ராணுவ வீரர்களுக்காக சில சலுகைகளை அறிவித்துள்ளன. மே 31ம் தேதிக்குள் முன்பதிவு செய்யப்பட்ட டிக்கெட்டுகளை ரத்து செய்தால், அவர்கள் முழுமையாக பணத்தை திரும்ப பெற முடியும் என அறிவிக்கப்பட்டுள்ளது.மேலும், ஜூன் 30ம் தேதிக்குள் ஒருமுறை பயண நேரத்தை கட்டணமின்றி மாற்றும் சலுகையும் வழங்கப்படுகிறது.
இந்த சலுகைகள், நாட்டிற்காக உயிரைப் பணையமாக்கும் வீரர்களுக்கு நன்றி கூறும் ஒரு சிறு முயற்சி என ஏர் இந்தியா தெரிவித்துள்ளது.இந்த நடவடிக்கையை பலரும் வரவேற்றுள்ளனர். சிலர் இதை அரசின் நிலையை விட ஒரு தனியார் நிறுவனத்தின் சமூகப் பொறுப்பு முயற்சி என பாராட்டுகின்றனர். விமானச் செலவுகள் உயர்ந்து வரும் இந்த காலத்தில், இப்படி ஒரு சலுகை ராணுவ உறுப்பினர்களுக்கு உதவியாக இருக்கும்.
அரசுத் துறைகளிலோ அல்லது நிறுவனங்களிலோ, இத்தகைய நேரத்தில் நேரடி சலுகைகள் அரிதாகவே வழங்கப்படும். ஆனால் ஏர் இந்தியாவின் இந்த செயல், மற்ற நிறுவனங்களுக்கும் ஊக்கமாக அமையக்கூடியது.இந்த சலுகை ராணுவ வீரர்களுக்கே ஒதுக்கப்பட்டுள்ளது. பொதுமக்கள் இதை தவறாக புரிந்து கொள்ளாமல், இது ஒரு நன்னெறிப் போக்கு என்பதை புரிந்து கொள்ள வேண்டியது அவசியம். இந்தியா தற்போது கடுமையான பாதுகாப்பு சூழ்நிலையிலும், உள்நாட்டு ஒற்றுமையிலும் நிறைந்திருக்கிறது.இதுபோன்ற நேரத்தில், ஏர் இந்தியா எடுத்துள்ள இக்காலச் செயல் ஒரு நல் முன்னுதாரணமாக இருக்கிறது.
