புதுடெல்லி: பாஜக மூத்த தலைவர் எல்.கே.அத்வானி டெல்லியில் உள்ள தனியார் மருத்துவமனையில் அனுமதிக்கப்பட்டுள்ளார். முன்னாள் துணைப் பிரதமரும், பாஜக மூத்த தலைவருமான லால் கிருஷ்ண அத்வானி இன்று டெல்லியில் உள்ள அப்பல்லோ மருத்துவமனையில் அனுமதிக்கப்பட்டார்.
அவர் மூத்த மருத்துவர்கள் குழுவின் கண்காணிப்பில் இருப்பதாகவும், அவரது உடல்நிலை சீராக இருப்பதாகவும் மருத்துவமனை வட்டாரங்கள் தெரிவித்தன. நரம்பியல் துறையின் மூத்த ஆலோசகர் டாக்டர் வினீத் சூரியின் மேற்பார்வையில் அவர் அனுமதிக்கப்பட்டுள்ளதாக தகவல் வெளியாகியுள்ளது.
97 வயதான அத்வானி சில நாட்களுக்கு முன்பு மருத்துவமனையில் அனுமதிக்கப்பட்டு சிகிச்சை முடிந்து வீடு திரும்பினார். இந்த ஆண்டு தொடக்கத்தில் அவர் அதே மருத்துவமனையில் சிகிச்சை பெற்று வந்தார் என்பது குறிப்பிடத்தக்கது.
