புதுடெல்லி: ஆசிரியர் தினத்தை முன்னிட்டு நாடு முழுவதும் 82 ஆசிரியர்களுக்கு தேசிய நல்லாசிரியர் விருது டெல்லியில் வழங்கப்பட்டது.
விருது பெற்ற ஆசிரியர்களுடன் பிரதமர் மோடி நேற்று கலந்துரையாடினார். அந்த வீடியோ நேற்று வெளியானது. பிரதமர் மோடி பேசியதாவது:-
வளர்ந்த இந்தியாவுக்கு இன்றைய மாணவர்களை தயார்படுத்தும் முக்கிய பொறுப்பு ஆசிரியர்களுக்கு உள்ளது. கல்வி சுற்றுலா மூலம் மாணவர்கள் நேரடியாக பல்வேறு விஷயங்களை அறிந்து கொள்ளும் வகையில், நாடு முழுவதும் உள்ள 100 பிரபலமான சுற்றுலா தலங்களை ஆசிரியர்கள் தேர்வு செய்ய வேண்டும்.
அருகிலுள்ள பல்கலைக்கழகங்களுக்கு மாணவர்களை அழைத்துச் செல்லுங்கள். விளையாட்டு நிகழ்வுகளுக்கு அழைத்துச் செல்லுங்கள். இவை அவர்களின் கனவுகளுக்கு எரிபொருளாக அமையும். கடந்த ஆட்சியில் நடந்ததை பற்றி பேசவில்லை.
ஆனால், கற்பித்தலில் புதுமை படைக்கும் திறமையான ஆசிரியர்கள் இந்த ஆட்சியில் அங்கீகரிக்கப்படுவார்கள். இவ்வாறு பிரதமர் மோடி பேசினார்.
