மாநில அரசுகளுக்கு வரி பகிர்ந்தளித்த மத்திய அரசு..!!

மாநில அரசுகளுக்கு வரி பகிர்வாக மத்திய அரசு ரூ.1,73,030 கோடியை வெளியிட்டுள்ளது. தமிழ்நாட்டிற்கு ரூ.7057.89 கோடி வழங்கப்பட்டுள்ளது. வளர்ச்சி மற்றும் நலத்திட்டங்கள் தொடர்பான மூலதனச் செலவு மற்றும் நிதிச் செலவினங்களை விரைவுபடுத்துவதற்காக இந்த மாதம் மாநிலங்களுக்கு இந்த வரி பகிர்வை மத்திய அரசு வெளியிட்டுள்ளது.

அனைத்து மாநிலங்களுக்கும் மொத்தம் ரூ.1,73,030 கோடி விடுவிக்கப்பட்டுள்ளது. இந்த நிதி கடந்த டிசம்பரில் ரூ.89,086 கோடியாக இருந்தது. தமிழகத்திற்கு வரி பகிர்வாக மத்திய அரசு ரூ.7057.89 கோடியை வெளியிட்டுள்ளது. மத்திய அரசு ஆந்திராவிற்கு ரூ.7002 கோடி, கர்நாடகாவிற்கு ரூ.6,310 கோடி, கேரளாவிற்கு ரூ.3,330 கோடி, மத்தியப் பிரதேசத்திற்கு ரூ.13,583 கோடி, மகாராஷ்டிராவிற்கு ரூ.10,930 கோடி, ஒடிசாவிற்கு ரூ.7834 கோடி, ரூ. ராஜஸ்தானுக்கு ரூ.10,427 கோடியும், உத்தரப்பிரதேசத்திற்கு ரூ.31,039 கோடியும், மேற்கு வங்காளத்திற்கு ரூ.13,017 கோடியும் வழங்கப்பட்டுள்ளது.