ஸ்ரீநகர்: ஒவ்வொரு ஆண்டும், காஷ்மீரின் பல்வேறு பகுதிகளிலிருந்தும் யாத்ரீகர்கள் அமர்நாத்தில் இயற்கையாக உருவான பனி லிங்கத்தைப் பார்வையிட வருகிறார்கள். இந்த ஆண்டு அமர்நாத் யாத்திரை கடந்த 2-ம் தேதி தொடங்கி ஆகஸ்ட் 9-ம் தேதி முடிவடைய உள்ளது.
நேற்று, ஜம்முவில் உள்ள பகவதி அடிப்படை முகாமில் இருந்து 4,388 பேர் கொண்ட 20-வது குழு அமர்நாத்துக்குப் புறப்பட்டது. இந்த சூழலில், இந்த ஆண்டு இதுவரை 3 லட்சத்திற்கும் மேற்பட்ட யாத்ரீகர்கள் அமர்நாத்துக்கு புனிதப் பயணம் மேற்கொண்டுள்ளதாக தெரிவிக்கப்பட்டுள்ளது.
ஜம்மு-காஷ்மீர் லெப்டினன்ட் கவர்னர் மனோஜ் சின்ஹா தனது X பதிவில், “பாபா அமர்நாத்தின் அருளால், இதுவரை அமர்நாத் யாத்ரீகர்களின் எண்ணிக்கை 3 லட்சத்தைத் தாண்டியுள்ளது” என்று கூறியுள்ளார்.
