கொல்கத்தா: போராட்டத்தில் ஈடுபட்டுள்ள பயிற்சி மருத்துவ மாணவர்கள் மேற்கு வங்க முதல்வர் மம்தா பானர்ஜியுடன் நேற்று பேச்சுவார்த்தை நடத்தினர்.
இதையடுத்து கொல்கத்தா போலீஸ் கமிஷனர் மற்றும் இரண்டு சுகாதார அதிகாரிகள் பணியிடை நீக்கம் செய்யப்பட்டனர். இதற்கு பயிற்சியாளர்கள் வரவேற்பு தெரிவித்துள்ளனர். ஆர்.ஜி.கர் என்பது மேற்கு வங்க மாநிலம் கொல்கத்தாவில் உள்ள அரசு மருத்துவமனை.
இந்த மருத்துவமனையில் ஆகஸ்ட் 9-ம் தேதி பெண் பயிற்சி மருத்துவர் பாலியல் வன்கொடுமை செய்யப்பட்டு படுகொலை செய்யப்பட்டார். பெண் மருத்துவரின் கொலைக்கு நீதி கேட்டு மருத்துவக் கல்லூரி மருத்துவர்கள், மாணவர்கள் மற்றும் ஊழியர்கள் போராட்டத்தில் ஈடுபட்டுள்ளனர்.
இந்த வழக்கு தொடர்பாக சஞ்சய் ராய், சந்தீப் கோஷ், ஆர்.ஜி.கர் மருத்துவக் கல்லூரியின் முன்னாள் முதல்வர் மற்றும் ஒரு போலீஸ் அதிகாரியும் கைது செய்யப்பட்டுள்ளனர். இந்நிலையில், முதலில் மம்தா பானர்ஜி போராட்டத்தில் ஈடுபட்டுள்ள பயிற்சி மருத்துவர்களிடம் பேச்சுவார்த்தை நடத்தினார்.
சுமார் 2 மணி நேரம் நடைபெற்ற இந்த பேச்சுவார்த்தையில் பயிற்சி மருத்துவர்களின் 5 கோரிக்கைகளில் மூன்றை அரசு ஏற்றுக்கொண்டுள்ளதாக தகவல் வெளியாகியுள்ளது.
இந்நிலையில், முதல்வர் மம்தா மற்றும் பயிற்சி டாக்டர்கள் (40) நடத்திய பேச்சுவார்த்தைக்கு பின், கொல்கத்தா போலீஸ் கமிஷனர் வினீத் கோயல், மருத்துவ கல்வி இயக்குனர், சுகாதார பணிகள் இயக்குனர் ஆகியோரும் பணியிடை நீக்கம் செய்யப்பட்டுள்ளனர்.
இதற்கு போராட்டத்தில் ஈடுபட்டுள்ள பயிற்சி மருத்துவர்கள் வரவேற்பு தெரிவித்துள்ளனர்.
பயிற்சி டாக்டர்களின் வேலை நிறுத்தம் சுமார் 38 நாட்களாக நடைபெற்று வருகிறது. போராட்டத்தில் ஈடுபட்டுள்ள மற்ற மருத்துவக் கல்லூரி பயிற்சி மருத்துவர்களிடம் பேசி பணிக்குத் திரும்புவதாகவும், அதற்குள் தங்களது கோரிக்கைகளை நிறைவேற்ற வேண்டும் என்றும் கூறியுள்ளனர்.
