புதுடெல்லி: கடந்த 2014-ம் ஆண்டு முதல் பிரதமர் மோடி உலகம் முழுவதும் பல்வேறு நாடுகளுக்கு அதிகாரப்பூர்வ சுற்றுப்பயணம் மேற்கொண்டு வருகிறார். அவர் சமீபத்தில் சென்ற நாடுகளின் வீடியோ தொகுப்பு நேற்று பிரதமரின் சமூக வலைதளத்தில் வெளியிடப்பட்டது.
ஆஸ்திரியாவில் வந்தே மாதரம் பாடல், போலந்து, ரஷ்யா, பூட்டானில் கர்பா நடனம், பூட்டானில் இந்திய கலாச்சார நடனம், சிங்கப்பூரில் பரத நாட்டியம், லாவோஸில் ராமாயண நிகழ்ச்சி, சமஸ்கிருத வேத மந்திரங்கள், பிரேசிலில் ராமாயண நிகழ்ச்சி போன்ற வீடியோக்கள் இதில் அடங்கும்.
இந்த காணொளிகளுடன் வெளியிடப்பட்டுள்ள பதிவில், “இந்திய கலாச்சாரம் உலகம் முழுவதும் ஒளிர்கிறது. நான் எங்கு சென்றாலும் நமது நாட்டின் வரலாறு மற்றும் கலாச்சாரம் தழைத்தோங்குவது மகிழ்ச்சி அளிக்கிறது” என்று பிரதமர் மோடி தெரிவித்துள்ளார்.
