வயநாடு: வயநாடு மாவட்டம் குறிச்சியாடு வனப்பகுதியில் வெள்ளை மான் ஒன்று சுற்றித்திரியும் வீடியோ வெளியாகி ஆச்சரியத்தை ஏற்படுத்தியுள்ளது. வெள்ளைக் காக்கை, நாகம் போன்றவற்றைப் பார்த்திருப்போம், வெள்ளை யானை இருப்பதாகக் கூட கேள்விப்பட்டிருப்போம், ஆனால் முதன்முறையாக காட்டில் வெள்ளை மான் ஒன்று நடமாடும் வீடியோ வெளியாகி ஆச்சரியத்தை ஏற்படுத்தியுள்ளது.
கேரள மாநிலம் வயநாடு குறிச்சியாடு வனப்பகுதியில் இந்த வெள்ளை மான் சுற்றித்திரியும் வீடியோ காட்சிகள் வெளியாகியுள்ளன. காட்டில் வெள்ளாடு போன்ற உருவம் கொண்ட வெள்ளை மான் ஒன்று சுற்றித் திரிந்தது. அப்போது அந்த வழியாக சென்றவர்கள் ஆடு என நினைத்து வீடியோ எடுத்தனர். திடீரென அந்த வெள்ளை உருவம் அருகில் வந்து பார்த்தபோது அது வெள்ளை மான் என்பதை உணர்ந்தனர்.
காடுகளில் புள்ளிமான்கள், கடமான்கள் மற்றும் தரிசு மான்கள் உட்பட பல வகையான மான்கள் உள்ளன. ஆனால் கேரள மாநிலம் வயநாடு மாவட்டத்தில் வனப்பகுதியில் சுற்றித் திரிந்த இந்த வெள்ளை மான் முதன்முதலில் பார்த்தது வனத்துறையினர் மட்டுமின்றி பொதுமக்களையும் ஆச்சரியத்தில் ஆழ்த்தியுள்ளது. காட்டுக்குள் வெள்ளை மான்கள் நடமாடும் வீடியோக்கள் தற்போது இணையத்தில் வைரலாகி வருகிறது.
