கொல்கத்தா: மேற்கு வங்கத்தில், கவர்னர், சபாநாயகர் இடையே ஏற்பட்ட மோதலால், இடைத்தேர்தலில் வெற்றி பெற்ற இரு வேட்பாளர்களும், எம்.எல்.ஏ.,க்களாக பதவியேற்றனர்.
மேற்கு வங்க மாநிலத்தில் காலியாக உள்ள இரண்டு சட்டசபை தொகுதிகளுக்கு சமீபத்தில் இடைத்தேர்தல் நடைபெற்றது. திரிணாமுல் காங்கிரஸ் சார்பில் ராயத் ஹுசைன் மற்றும் சயந்திகா பந்தோபாத்யாய் இருவரும் வெற்றி பெற்றனர். பின்னர் எம்.எல்.ஏ.க்களாக பதவியேற்பதற்கான அழைப்பு வரும் வரை காத்திருந்தனர். இந்நிலையில், எம்.எல்.ஏ.,வாக பதவி பிரமாணம் செய்து வைப்பதில், மேற்கு வங்க கவர்னர் ஆனந்த போசுக்கும், மாநில சபாநாயகருக்கும் இடையே போட்டி ஏற்பட்டுள்ளது.
ஆளுநர் ஆனந்த போஸ் மற்றும் சபாநாயகர் பீமன் பானர்ஜி ஆகியோர் எம்எல்ஏக்களாக பதவிப்பிரமாணம் செய்து வைக்க தங்களுக்கு அதிகாரம் உள்ளதாக கூறி வருகின்றனர். இந்நிலையில் நேற்று வெற்றி பெற்ற இருவரையும் எம்.எல்.ஏ.க்களாக பதவியேற்க கவர்னர் ஆனந்த போஸ் ராஜ்பவனுக்கு அழைத்தார். ஆனால் இருவரும் ராஜ்பவனுக்குச் சென்று சத்தியப்பிரமாணம் செய்ய மறுத்துவிட்டனர். மாறாக, ஆளுநர் சட்டப் பேரவைக்கு வந்து பதவிப் பிரமாணம் செய்து வைக்கக் கோரி பேரவை வளாகத்தில் இரண்டு நாட்களாகப் போராட்டம் நடத்தி வருகின்றனர்.
பராநகர் தொகுதியில் வெற்றி பெற்ற சயந்திகா பந்தோபாத்யாய், ராஜ்பவனுக்கு ஏன் செல்லவில்லை என்பது குறித்துப் பேசுகையில், “ராஜ்பவனில் பணியாற்றும் பெண் ஊழியர் ஒருவர் கவர்னர் மீது பாலியல் புகார் அளித்துள்ளார். அதனால், ராஜ்பவனுக்கு செல்லவே பயப்படுகிறார். ஆளுநர் சட்டப் பேரவைக்கு வந்து பதவிப் பிரமாணம் செய்து வைக்க வேண்டும், இல்லையெனில் சபாநாயகர் பதவிப் பிரமாணம் செய்ய அனுமதிக்க வேண்டும். எதிர்ப்பு தெரிவித்து வருகிறார்.
கவர்னர் ஆனந்த போஸ் மீது ராஜ்பவன் பெண் ஊழியர் ஒருவர் பாலியல் குற்றச்சாட்டை முன்வைத்துள்ளார். இதை காரணம் காட்டி இருவரும் ராஜ்பவன் செல்ல மறுத்துவிட்டனர். இதனிடையே பதவிப் பிரமாணம் குறித்து ஆளுநர் ஆனந்த போஸ் வெளியிட்ட அறிக்கையில், “உச்சநீதிமன்ற தீர்ப்பு மற்றும் அரசியல் சாசனப்படி எம்எல்ஏக்களுக்கு பதவிப் பிரமாணம் செய்து வைக்க ஆளுநருக்கு அதிகாரம் உள்ளது அல்லது நான் குறிப்பிடும் நபர் பதவிப் பிரமாணம் செய்து வைக்கலாம். பதவிப் பிரமாணம் செய்துவைக்க, மூத்த பட்டியலிடப்பட்ட அல்லது பழங்குடியின எம்.எல்.ஏ.,வை, சபாநாயகரிடம் கூறியுள்ளேன், ஆனால், சபாநாயகர் அதை ஏற்கவில்லை.
சட்டசபைக்கு சென்று பதவி பிரமாணம் எடுப்பதில் பிரச்னை இல்லை. ஆனால் ஆளுநரின் கண்ணியத்தை குறைக்கும் வகையில் சபாநாயகர் கடிதம் எழுதுகிறார். இதை ஏற்க முடியாது என்று தெரிவிக்கப்பட்டுள்ளது. இதனால் எம்எல்ஏக்கள் பதவியேற்பதில் முட்டுக்கட்டை நீடிக்கிறது. தற்போது ஆளுநர் தரப்பும், சபாநாயகர் தரப்பும் சட்ட உதவியை நாடியுள்ளன.
