முதுகுவலி என்பது பல்வேறு காரணங்களால் ஏற்படும் பொதுவான பிரச்சனை ஆகும். இது எந்த நோயுடன் தொடர்புடையது, எங்கு இருந்து வருகிறது என அறிந்துகொண்டு, அதற்கேற்ப சரியான சிகிச்சை பெறுவது மிக முக்கியமானது. முதுகுவலிக்கு அடிப்படையான காரணங்கள் பலவாக உள்ளன. முதுகின் தசைகள் இறுக்கமாகி பிடிப்பது, எலும்புகளுக்கு இடையில் இருக்கும் வட்டுகள் வீக்கம் அடைந்து நரம்புகளை அழுத்துவதன் மூலம் வலி ஏற்படுவது இதனுடைய பொதுவான காரணமாகும்.
மேலும், கீல் வாதம், எலும்பு சோர்வான ஆஸ்டியோபோரோசிஸ், அன்கிலோசிங் ஸ்பான்டை விடிஸ் போன்ற எலும்பு தொடர்புடைய நோய்கள் முதுகுவலியை உண்டாக்கும். சில நேரங்களில், சயாட்டிகா, சாக்ரோலைடிஸ், குடல் அல்லது சிறுநீரக பிரச்சனைகளும் முதுகுவலிக்கு காரணமாக இருக்க முடியும். விபத்துகள் மற்றும் காயங்களின் காரணமாகவும் இந்த வலி ஏற்படும்.
முதுகுவலியை கண்டறிய மருத்துவ பரிசோதனைகளாக எம்.ஆர்.ஐ, சிடி போன்ற இமேஜிங் ஆய்வுகள் மிகவும் உதவியாக இருக்கின்றன. இவை மருத்துவருக்கு வலியின் காரணங்களை தெளிவாக கண்டறிய உதவுகின்றன.
முதுகுவலியை தடுப்பதற்கான சில முக்கிய வழிகளும் உள்ளன. முதலில், உடற்பயிற்சி மிகவும் முக்கியமானது. தினமும் நடைபயிற்சி, சைக்கிள் சவாரி, நீச்சல் போன்ற எளிய உடற்பயிற்சிகள் முதுகின் தசைகளை வலுப்படுத்தி, நெகிழ்ச்சியை அதிகரிக்கும். இதனால் தசைகளின் வலிமையும், எலும்புகளின் செயல்பாட்டும் மேம்படும்.
மேலும், உடல் எடையை பராமரிப்பது அவசியம். அதிக எடையால் முதுகுத் தசைகளுக்கு அதிக சுமை உருவாகி, வலி ஏற்படும். எனவே, ஆரோக்கியமான எடையை வைத்துக்கொள்வது முதுகுவலியை தடுக்க உதவுகின்றது.
இதைத் தொடர்ந்து, எண்ணெய் மசாஜ் செய்வதும் சிறந்த தீர்வாகும். மசாஜ் செய்தால் ரத்த ஓட்டம் மேம்பட்டு, தசைகளின் இறுக்கம், சோர்வு மற்றும் வலி குறையும். இதனால் முதுகு வலியை குறைக்க முடியும்.
இந்த வழிமுறைகள் அனைத்தும் முதுகுவலியை தடுக்க அல்லது அதன் தாக்கத்தை குறைக்க உதவும்.
