உலக யோகா தினத்தையொட்டி, மயிலாப்பூரில் உள்ள பாரதிய வித்யா பவன் வளாகத்தில் “யோகாவும் உடல் நலமும்” என்ற தலைப்பில் சிறப்பு கருத்தரங்கம் ஜூன் 21ம் தேதி நடைபெறவுள்ளது. இந்த நிகழ்வை சித்த மருத்துவர் கு. சிவராமனின் ஆரோக்கியா சித்த மருத்துவமனை ஏற்பாடு செய்துள்ளது. இயற்கை வாழ்வியல் பாணியை ஊக்குவிப்பதே நிகழ்வின் நோக்கமாகும்.
கருத்தரங்கில், சர்க்கரை நோய், புற்றுநோய் உள்ளிட்ட தொற்றா நோய்களுக்கு எதிராக யோகாசனங்கள், சுவாசப் பயிற்சிகள் மற்றும் உணவுப் பழக்கங்களை சீரமைக்கும் ஆலோசனைகள் வழங்கப்படும். நாள் முழுவதும் நடைமுறையில் பயன்படுத்தக்கூடிய பயனுள்ள தகவல்களும் வழங்கப்படுகின்றன. மக்கள் தங்களது தினசரி வாழ்வில் கடைப்பிடிக்க வேண்டிய வாழ்வியல் முறைகள் பற்றியும் விரிவாக பேசப்பட உள்ளது.
வசிஷ்டா யோகா நிலையத்தைச் சேர்ந்த பயிற்சி நிபுணர் வெற்றிவேந்தன், யோகா மற்றும் மூச்சுப்பயிற்சிகளை நேரடியாக செயல்விளக்கத்துடன் கற்றுத்தர உள்ளார். சித்த மருத்துவர் கு. சிவராமன் சித்த மருத்துவ உணவுமுறைகளும் சிகிச்சை நுட்பங்களும் குறித்து உரையாற்ற உள்ளார். இது பொதுமக்களுக்கான நலவழி அறிவுரை வழங்கும் ஒரு அரிய வாய்ப்பு.
நிகழ்வில் பங்கேற்க விரும்புபவர்கள் 96771 17175, 98404 61005 என்ற எண்களுக்கு அழைக்கவோ, வாட்ஸ்அப்பில் முன்பதிவோ செய்யலாம். பதிவு கட்டணம் ஏதும் இல்லை. 300 பேர் வரை பங்கேற்க முடியும் என்பதால் விரைந்து பதிவு செய்ய வேண்டியது அவசியம். இந்த நிகழ்வு ஒரு புதிய ஆரோக்கியப் பயணத்துக்கான துவக்கமாக அமையக்கூடியதாகும்.
