சென்னை: இதயநோய் நிபுணரான டாக்டர் டிமிட்ரி யாரனோவ், அதிக சர்க்கரை உட்கொள்வது இதய நோய் மற்றும் நீரிழிவு அபாயத்தை பெரிதும் அதிகரிக்கிறது என்று எச்சரித்துள்ளார். கொழுப்பு அல்ல, சர்க்கரையே மறைமுக எதிரியாக செயல்படுகிறது என்றும் அவர் வலியுறுத்துகிறார்.
இன்றைய வாழ்க்கை முறையில், பலர் ஆரோக்கியமான உணவாக கருதும் பொருட்களிலேயே அதிக சர்க்கரை மறைந்து இருப்பது தெரியாமல் போகிறது. குளிர்பானங்கள், ஸ்நாக்ஸ், சாஸ், மற்றும் சில ஆரோக்கிய உணவுகளிலும் கூட அதிக அளவு சர்க்கரை சேர்க்கப்பட்டிருப்பதால், அது இதயத்திற்கு அமைதியான நச்சாக மாறுகிறது.
ஒரு நாளில் கூடுதலாக சர்க்கரை எடுத்துக்கொள்வதால் இதய நோய் அபாயம் 18% அதிகரிக்கிறது. அதேபோல் தொடர்ந்து அதிகமாக எடுத்துக் கொண்டால், அபாயம் 21% வரை உயர்கிறது. உடற்பயிற்சி செய்வோருக்கும் இதே பாதிப்பு ஏற்படுவதாக மருத்துவர் குறிப்பிட்டுள்ளார். உலகளாவிய ஆய்வுகளின்படி அதிக சர்க்கரை உட்கொள்வதால் இதய நோய் அபாயம் 17% உயர்வதோடு, கரோனரி தமனி நோய்கள் 23% மற்றும் பக்கவாத அபாயம் 9% வரை அதிகரிக்கின்றன.
அமெரிக்க இதய சங்கத்தின் பரிந்துரைப்படி பெண்கள் தினசரி அதிகபட்சம் 6 தேக்கரண்டி சர்க்கரையும், ஆண்கள் 9 தேக்கரண்டி சர்க்கரையும் மட்டுமே எடுத்துக் கொள்ள வேண்டும். ஆனால் பெரும்பாலானோர் இதைவிட 2–3 மடங்கு அதிகமாக எடுத்துக் கொள்கின்றனர். எனவே, உணவுப் பொருட்களை வாங்கும்போது லேபிள்களை சரிபார்த்து, சர்க்கரை உட்கொள்ளலை கட்டுப்படுத்த வேண்டும் என்று டாக்டர் யாரனோவ் அறிவுறுத்துகிறார்.
