சென்னை: நாம் தமிழர் கட்சியின் தலைமை ஒருங்கிணைப்பாளர் சீமான் நேற்று தனது பிறந்தநாளை கொண்டாடினார். இதனை முன்னிட்டு சென்னை நீலாங்கரையில் உள்ள அவரது இல்லத்திற்கு கட்சி தொண்டர்கள் மற்றும் நிர்வாகிகள் பலர் திரண்டு வந்து வாழ்த்து தெரிவித்தனர்.
வீட்டுக்கு வந்தவர்களை சீமானின் மனைவி கயல்விழி, மகன் மாவீரன் பிரபாகரன் ஆகியோர் இனிப்புகள் வழங்கி வரவேற்றனர். பின்னர் தொண்டர்களுக்கு கறி விருந்து வழங்கப்பட்டது. மட்டன் கறி, மீன் குழம்பு போன்றவை பரிமாறப்பட்டது. சீமான் பிறந்தநாளை முன்னிட்டு தமிழக பாஜக தலைவர் அண்ணாமலை வெளியிட்டுள்ள வாழ்த்து செய்தியில், நாம் தமிழர் கட்சியின் தலைமை ஒருங்கிணைப்பாளர் சீமானுக்கு பிறந்தநாள் வாழ்த்துக்களை தெரிவித்துக்கொள்கிறோம்.
அவர் நல்ல ஆரோக்கியத்துடனும் நீண்ட ஆயுளுடனும் தனது சமூகப் பணியைத் தொடர வேண்டும். முன்னாள் ஆளுநர் தமிழிசை சௌந்தரராஜன், தமிழக வெற்றிக் கழகத் தலைவர் விஜய், அமமுக பொதுச் செயலாளர் டிடிவி தினகரன் உள்ளிட்டோர் சீமானின் பிறந்தநாளுக்கு வாழ்த்து தெரிவித்துள்ளனர்.
