அம்பேத்கரைப் பற்றி இழிவாகப் பேசிய உள்துறை அமைச்சர் அமித் ஷா மன்னிப்புக் கேட்டு ராஜினாமா செய்யக் கோரி நாடு முழுவதும் உள்ள மாவட்டத் தலைநகரங்களில் நாளை காங்கிரஸ் உறுப்பினர்கள் ஆர்ப்பாட்டத்தில் ஈடுபடவுள்ளனர். அகில இந்திய காங்கிரஸ் செயற்குழு உறுப்பினர் ஏ.செல்லக்குமார் சென்னையில் நேற்று நிருபர்களிடம் கூறியதாவது:-
நாடாளுமன்ற விவாதத்தின் போது உள்துறை அமைச்சர் அமித்ஷா அம்பேத்கர் குறித்து கேலியாகவும், தரக்குறைவாகவும் பேசியுள்ளார். இது மிகவும் கண்டிக்கத்தக்கது. அரசியலமைப்புச் சட்டம் உருவாக்கப்பட்ட பின் நடந்த இறுதிக் கூட்டத்தில் அம்பேத்கர் பேசும்போது, காங்கிரஸ் இல்லையென்றால், இந்தச் சட்டத்தை விரைவாகவும், உரிய சீர்திருத்தங்களுடனும் இயற்றியிருக்க முடியாது.
நாட்டின் விடுதலைக்காக பாடுபட்ட காங்கிரஸ் தலைவர்களை பற்றி அமித் ஷா அறிந்திருக்க வாய்ப்பில்லை. எனவே, அமித்ஷாவைக் கண்டித்தும், அவர் பதவி விலகக் கோரியும் காங்கிரஸ் உறுப்பினர்கள் நாளை நாடு முழுவதும் மாவட்டத் தலைநகரங்களில் ஆர்ப்பாட்டத்தில் ஈடுபடவுள்ளனர்.
அப்போது, அமித்ஷாவை தலைவர் பதவியில் இருந்து நீக்கக் கோரி காங்கிரஸ் கட்சியினர் மாவட்ட ஆட்சியர்களிடம் மனு அளிக்கவுள்ளனர். அதற்கு முன்பாக அம்பேத்கர் சிலைக்கு மாலை அணிவித்து ஊர்வலமாக மாவட்ட ஆட்சியர் அலுவலகத்துக்குச் செல்கிறார்கள். இவ்வாறு அவர் கூறினார்.
