தஞ்சாவூர்: தஞ்சை மத்திய மாவட்ட திமுக சார்பில் “என் வாக்குச்சாவடி வெற்றி வாக்குச் சாவடி”. ஆலோசனைக்கூட்டம் மற்றும் வீடு வீடாக சென்று வாக்காளர்களை சந்தித்து பிரச்சாரத்தில் ஈடுபடும் நிகழ்ச்சி நடந்தது.
தஞ்சை மத்திய மாவட்ட திமுக செயலாளர் துரை. சந்திரசேகரன் தலைமையில் மாநகராட்சி வார்டு எண் 1 மற்றும்,2 ல் நடைபெற்றது. மத்திய மாவட்ட திமுக செயலாளர் துரை.சந்திரசேகரன் தலைமையில் நடைபெற்ற இக்கூட்டத்தில் தஞ்சை சட்டமன்ற உறுப்பினர் டி.கே.ஜி.நீலமேகம், மேயர் சண்.இராமநாதன், பகுதி கழக செயலாளர் கார்த்திகேயன், மாமன்ற உறுப்பினர் செந்தமிழ்ச்செல்வன் மற்றும் நிர்வாகிகள் பங்கேற்றனர்.
இக்கூட்டத்தில் மத்திய மாவட்ட செயலாளரும், எம்எல்ஏவுமான துரை.சந்திரசேகரன் பேசுகையில், முதலமைச்சர் பல்வேறு ஆலோசனைகளை வழங்கியுள்ளார். திமுக அரசு தொடர்ந்து இரண்டாவது முறையாக வெற்றி பெறுவது உறுதி என்றார்.
அதனை தொடர்ந்து வார்டு 1 மற்றும் இரண்டாவது வட்டத்தில் வீடு வீடாக சென்று தேர்தல் பரப்புரையில் ஈடுபட்டனர். அரசின் சாதனைகள் அடங்கிய துண்டு பிரசுரங்களை வழங்கினர்.
