ராமநாதபுரம்: ராமநாதபுரம் மாவட்டம் கீழக்கரையில் தமிழ் தேசிய இஸ்லாமிய கூட்டணியின் சார்பாக ‘நமது அரசியல் என்ன’ என்ற தலைப்பில் ஒரு கூட்டம் நடைபெற்றது. இந்தக் கூட்டத்தில், நாம் தமிழர் கட்சியின் தலைமை ஒருங்கிணைப்பாளர் சீமான் பேசியதாவது:-
குஜராத் கலவரத்தை திமுக ஆதரித்தது. இது மாநிலத்தின் பிரச்சினை என்று கூறியவர் முன்னாள் முதல்வர் கருணாநிதி. ஆபரேஷன் சிந்தூரை முதலில் ஆதரித்தவர் முதல்வர் ஸ்டாலின். ரஷ்யா சென்று இதற்கு ஆதரவாகப் பேசியவர் கனிமொழி எம்.பி.. இதிலிருந்து, பாஜகவுக்கு நெருக்கமானவர் யார் என்பது தெளிவாகிறது. அப்படி இருக்கும்போது என்னை ஏன் பாஜகவின் ‘பி டீம்’ என்று அழைக்கிறார்கள்?
தவெகத் தலைவர் விஜய்க்கு எந்தக் கொள்கையும் இல்லை. பெரியார், காமராஜ் மற்றும் வேலுநாச்சியாரை கொள்கை வகுப்பாளர்களாக ஏற்றுக்கொண்டதாக அவர் கூறுகிறார். ஆனால், அவர்களைப் பற்றி 10 நிமிடங்கள் பேச அவருக்குத் தெரியுமா? பாஜக கொள்கை எதிரி என்றும், திமுக அரசியல் எதிரி என்றும் விஜய் கூறுகிறார். எனவே, அதிமுகவும் காங்கிரசும் உங்கள் எதிரிகள் அல்லவா? திடீரென்று அவர் வந்து திராவிடமும் தமிழ் தேசியமும் ஒன்று என்று கூறுகிறார்.
தமிழர்கள் அல்லாதவர்கள் பாதுகாப்பாகவும் வசதியாகவும் வாழ வேண்டும் என்பதற்காகவே திராவிடம் கொண்டுவரப்பட்டது. திமுகதான் பாதுகாப்பு என்று நினைக்கும் முஸ்லிம்களிடம் நான் கேட்கிறேன். திமுகதான் உங்களைப் பாதுகாக்கிறதா? நீங்கள் திமுகவைப் பாதுகாக்கிறீர்களா என்று யோசிக்க வேண்டும். இவ்வாறு சீமான் பேசினார்.
