சென்னை: ”தமிழகம் பழமையான இரும்பு நாகரிகம் கொண்டதாக சமீபத்தில் அதிகாரப்பூர்வமாக அறிவிக்கப்பட்டது. இது தமிழகத்திற்கு மட்டுமின்றி நாடு முழுவதும் பெருமை சேர்க்கும் கண்டுபிடிப்பு. இதற்கு உரிய அங்கீகாரம் வழங்கப்படாததுடன், சுற்றுவட்டாரப் பகுதிகளில் அகழாய்வு மேற்கொள்ள நிதியும் வழங்கப்படாதது மிகுந்த ஏமாற்றம் அளிக்கிறது. வழக்கம் போல் இந்த ஆண்டும் மத்திய அரசு புதிய திட்டங்களை அறிவிக்காமல், போதிய நிதியை ஒதுக்காமல் தமிழகத்தை புறக்கணித்துள்ளது” என்று தவேக தலைவர் விஜய் கூறினார்.
இது தொடர்பாக அவர் வெளியிட்டுள்ள அறிக்கையில் கூறியிருப்பதாவது:- மத்திய நிதியமைச்சர் நிர்மலா சீதாராமன் 2025-26-ம் ஆண்டுக்கான பட்ஜெட்டை நாடாளுமன்றத்தில் இன்று தாக்கல் செய்தார். இந்த பட்ஜெட்டில் சில வரவேற்கத்தக்க அம்சங்கள் மட்டுமே உள்ளன. ஆண்டுக்கு ரூ.12 லட்சம் வரை வருமானம் உள்ளவர்களுக்கு வருமான வரி விலக்கு அளிக்கப்பட்டுள்ளதை முழு மனதுடன் வரவேற்கிறேன். இதன் மூலம் நடுத்தர மக்களுக்கு கணிசமான நிவாரணம் கிடைத்துள்ளது மகிழ்ச்சி அளிக்கிறது. அதே சமயம், நாட்டின் பெரும்பான்மையாக உள்ள ஏழை, எளிய மக்களுக்கு நிவாரணம் அளிக்கும் பெட்ரோல், டீசல் மீதான வரி குறைப்பு, ஜிஎஸ்டி வரி குறைப்பு எளிமையாக்கப்படுவது குறித்து எந்த அறிவிப்பும் இல்லாதது பெரும் ஏமாற்றம் அளிக்கிறது.
முதல் முறையாக தொழில்முனைவோராக மாறும் பெண்கள், பட்டியல் சாதியினர் மற்றும் பழங்குடியினர் உட்பட முதல் 5 லட்சம் பேருக்கு 2 கோடி ரூபாய் வரவேற்கிறேன். அதே சமயம் பணவீக்கத்தை கட்டுப்படுத்தவும், வேலை வாய்ப்புகளை அதிகரிக்கவும் இந்த பட்ஜெட் அறிக்கையில் போதிய அறிவிப்புகள் இல்லாதது மிகுந்த ஏமாற்றம் அளிக்கிறது. குறிப்பாக, சிறு, குறு தொழில்கள் மற்றும் திறன் மேம்பாட்டு பயிற்சி மூலம் இளைஞர்களுக்கு புதிய வேலை வாய்ப்புகளை வழங்குவதற்கான திட்டங்கள் எதுவும் இந்த பட்ஜெட் அறிக்கையில் இல்லை.
புதிய ரயில் பாதைகள், சாலைகள், கோவை, மதுரை மெட்ரோ ரயில் திட்டங்கள் என தமிழகத்திற்கு தேவையான உள்கட்டமைப்பு வசதிகள் குறித்து எந்த அறிவிப்பும் இல்லை. தமிழகத்தில் பழமையான இரும்பு நாகரிகம் இருந்ததாக சமீபத்தில் அதிகாரப்பூர்வமாக அறிவிக்கப்பட்டது. இது தமிழகத்திற்கு மட்டுமின்றி, ஒட்டுமொத்த இந்திய நாட்டிற்கும் பெருமை சேர்க்கும் கண்டுபிடிப்பு. இதற்கு உரிய அங்கீகாரமும், சுற்றுவட்டாரப் பகுதிகளில் அகழாய்வுக்கான நிதியும் வழங்கப்படாதது மிகுந்த ஏமாற்றம் அளிக்கிறது.
PPP (Public Private Partnership) மூலம் அணு மின் உற்பத்தியை தனியார் மயமாக்குவதற்கு இந்த பட்ஜெட் அறிக்கை முக்கியத்துவம் அளித்துள்ளது மிகவும் அதிர்ச்சியளிக்கிறது. காற்றாலை மற்றும் சூரிய சக்தி மூலம் மின்சாரம் தயாரிக்கும் தொழில்நுட்பம் வளர்ந்து வரும் இந்த காலகட்டத்தில், மீண்டும் சுற்றுச்சூழலுக்கு அச்சுறுத்தலாக இருக்கும் அணுமின் உற்பத்தி தொடர்பான அறிவிப்பை மத்திய அரசு உடனடியாக திரும்பப் பெற வேண்டும். பொதுத்துறை நிறுவனங்களின் சொத்துக்கள், சொத்துகளை பணமாக்குவதன் மூலம் ஒரு சில பெரிய தனியார் நிறுவனங்களின் கைகளில் போய் சேரும் என்ற சந்தேகத்தை தவிர்க்க முடியாது.
ஒவ்வொரு ஆண்டும், பட்ஜெட் அறிக்கை தாக்கல் செய்யும் போது, சட்டசபை தேர்தல் நடக்கும் மாநிலங்களை கருத்தில் கொண்டு, அந்த மாநிலத்திற்கு மட்டும் முக்கியத்துவம் கொடுத்து, அதிக நிதி ஒதுக்கீடு வழங்குவது, மற்ற மாநிலங்களையும், அந்த மாநில மக்களையும் அவமதிக்கும் செயலாகும். இது கூட்டாட்சி கொள்கைக்கு எதிரானது. வழக்கம் போல் இந்த ஆண்டும் புதிய திட்டங்களை அறிவிக்காமல், போதிய நிதி ஒதுக்கீடு செய்யாமல் மத்திய அரசு தமிழகத்தை புறக்கணித்துள்ளது. அனைத்து மாநிலங்களின் ஒட்டுமொத்த வளர்ச்சியை கருத்தில் கொண்டு மத்திய பட்ஜெட் தாக்கல் செய்யப்பட வேண்டும். மாறாக, பாரபட்சமாக செயல்படுவது சரியான அணுகுமுறை அல்ல. இவ்வாறு விஜய் கூறினார்.
