சென்னை: தவெக தலைவர் விஜய் முதல்வர் வேட்பாளர். 2026 தேர்தலில் வெற்றி பெற்று விஜய் முதல்வராவார். பொதுக்குழு காலை 10 மணிக்கு தொடங்குகிறது. இந்நிலையில் சில தீயவர்கள் வேண்டுமென்றே இதுபோன்ற போஸ்டர்களை ஒட்டியுள்ளனர். இதுகுறித்து கட்சி விசாரணை நடத்தி வருகிறது,” என்றார்.
தவெக கட்சியின் முதல் மாநில மாநாடு விக்கிரவாண்டியில் கடந்த அக்டோபர் மாதம் பிரமாண்டமாக நடைபெற்றது. தற்போது இன்று முதல் பொதுக்குழு கூட்டம் நடைபெறுகிறது. சென்னை திருவான்மியூரில் உள்ள ராமச்சந்திரா கன்வென்ஷன் சென்டரில் நடைபெறுகிறது. இதில் 137 செயற்குழு உறுப்பினர்கள், 1800-க்கும் மேற்பட்ட பொதுக்குழு உறுப்பினர்கள் பங்கேற்கின்றனர். மேலும், தமிழக வெற்றிக் கட்சி 120 மாவட்டங்களாகப் பிரிக்கப்பட்டுள்ளதால், ஒவ்வொரு மாவட்டத்துக்கும் மாவட்டச் செயலாளருடன் சேர்த்து 15 பேருக்கு அழைப்பு விடுக்கப்பட்டுள்ளதாகத் தெரிகிறது.
கூட்ட அரங்கிற்கு வெளியே மயிலாட்டம், ஒயிலாட்டம் போன்ற கலைநிகழ்ச்சிகள் நடைபெறுவதுடன், கூட்டத்திற்கு வருபவர்கள் அடையாள அட்டையை சரிபார்த்துக்கொள்ள அனுமதிக்கப்படுகிறது. மதிய உணவாக 23 வகையான உணவுகள் வழங்க ஏற்பாடு செய்யப்பட்டுள்ளது. காலை 8 மணியளவில் பொதுக்குழு கூட்டத்திற்கு வந்தார் விஜய். அவருக்கு கட்சி நிர்வாகிகள் உற்சாக வரவேற்பு அளித்தனர். இந்த கூட்டத்தில் பல்வேறு முக்கிய விஷயங்கள் குறித்து விஜய் பேசுவார் என எதிர்பார்க்கப்படுகிறது.
தொகுதி மறுவரையறை, மும்மொழிக் கொள்கை உள்ளிட்ட பிரச்னைகள் குறித்தும் தீர்மானங்கள் நிறைவேற்றப்படலாம் என எதிர்பார்க்கப்படுகிறது. பரபரப்பான அரசியல் சூழலுக்கு இடையே அதிமுகவின் முதல் பொதுக்குழு கூட்டம் நடைபெற்று வருகிறது. அதிமுக முன்னாள் நிர்வாகி மருது அழகுராஜ் இன்று காலை தனது எக்ஸ் பக்கத்தில், “இலை” யுதிர் காலத்தை வசந்தமாக மாற்றும் விஜய்.. அதிமுகவின் இடத்தை தவெக கைப்பற்றுகிறது… “ராமச்சந்திரா” மாநாட்டு அரங்கில் முதல் பொதுக்குழு வாழ்த்துகள்” என பதிவிட்டுள்ளார்.
அ.தி.மு.க., வீழ்ச்சியில் இருப்பதாகவும், அதை தவெக பயன்படுத்துகிறது என்பதை உணர்த்தும் வகையில், இந்த ட்வீட்டை பதிவிட்டுள்ளார். அந்த ட்வீட்டுடன் எம்ஜிஆர் படத்தையும், விஜய் படத்தையும் பதிவிட்டுள்ளார்.
