தமிழகத்தில் பட்டதாரி இளைஞர்களுக்காக புதிய விவசாய திட்டம் அறிமுகப்படுத்தப்பட்டுள்ளது. இதில், விவசாயம் சார்ந்த தொழில் தொடங்கும் இளைஞர்களுக்கு ₹1,00,000 மானியமாக வழங்கப்படும். விவசாயத்திற்கு புதிய முகம் கொடுக்கவும், விவசாயத்தில் ஆர்வத்தை அதிகரிக்கவும் தமிழக அரசு உருவாக்கிய முயற்சி இது.
வேளாண் துறையின் புதிய திட்டத்தின் கீழ், இந்த ஆண்டு 100 இளைஞர்களுக்கு ₹1,00,000 மானியம் வழங்கப்படும். இதற்காக ₹1 கோடி நிதி ஒதுக்கப்பட்டுள்ளது. இளம் பட்டதாரிகள் மட்டுமின்றி, விவசாயம் சார்ந்த தொழில் தொடங்க விரும்பும் எந்த பட்டதாரியும் இந்த மானியத்திற்கு தகுதி பெறலாம்.
இத்திட்டத்திற்கு விண்ணப்பிப்பவர்கள் 21 முதல் 40 வயதுக்குள் இருக்க வேண்டும். தேவையான ஆவணங்களில் 10 மற்றும் 12 ஆம் வகுப்பு சான்றிதழ், பட்டதாரி சான்றிதழ், ஆதார் அட்டை, குடும்ப அட்டை, வங்கி பாஸ்புக் மற்றும் கடன் ஒப்புதல் ஆவணம் ஆகியவை அடங்கும். இதற்கு, மாவட்ட வேளாண்மை அலுவலகத்தில் விண்ணப்பிக்க வேண்டும்.
பிரசுரத்தில் குறிப்பிடப்பட்டுள்ள விவரங்களைத் தொடர்ந்து, வேளாண்மைத் துறையின் நிபுணர் குழுவால் பரிசீலிக்கப்பட்டு தகுதியானவர்களுக்கு மானியம் வழங்கப்படும். மேலும் விவரங்கள் மற்றும் விண்ணப்ப செயல்முறையை வேளாண்மைத் துறை இணையதளத்தில் காணலாம்.
