சென்னை: ஆவணங்களை பதிவு செய்ய பதிவுத்துறை இணையதளம் மூலம் பதிவு டோக்கன்களை பெற வேண்டும். பதிவுத்துறை இணையதளத்தில் ஒரு துணைப் பதிவாளருக்கு தினமும் 100 டோக்கன்கள் மட்டுமே ஒதுக்கப்படுகின்றன. முக்கிய முகூர்த்த நாட்களில் கூடுதல் டோக்கன்கள் ஒதுக்கப்படும்.
இந்நிலையில், கடந்த 12ம் தேதி ஆனி மாதம் கடைசி முகூர்த்த நாளான ஆடி மாதம் பிறக்க உள்ளதால் பொதுமக்கள் சிரமமின்றி ஆவணங்களை பதிவு செய்யும் வகையில் டோக்கன் எண்ணிக்கை 150 ஆக உயர்த்தப்பட்டது.
அதன்படி, அன்றைய தினம் 20,310 ஆவணங்கள் பொது உயர்த்தப்பட்ட டோக்கன்களைப் பயன்படுத்தி பதிவு செய்யத் தாக்கல் செய்யப்பட்டு, அந்தந்தப் பதிவாளர்களால் ஆவணங்கள் பதிவு செய்யப்பட்டன. இதன் மூலம் பதிவுத்துறை வரலாற்றில் 20,310 ஆவணங்கள் பதிவாகி ஒரே நாளில் ரூ.224.26 கோடி வருவாய் ஈட்டப்பட்டுள்ளதாக பதிவுத்துறை தெரிவித்துள்ளது.
