சென்னை: தமிழக சட்டசபையில் இன்று நிதி, மனிதவள மேலாண்மை, ஓய்வூதியம் மற்றும் பிற ஓய்வூதிய பலன்கள் துறைகளின் மானிய கோரிக்கைகள் மீதான விவாதம் நடந்தது.
நிதி மற்றும் மனிதவள மேலாண்மைத்துறை அமைச்சர் தங்கம் தென்னரசு பேசுகையில், “அரசு ஊழியர்களுக்கு பழைய ஓய்வூதிய திட்டத்தை அமல்படுத்துவது தொடர்பான கொள்கை பரிசீலனையில் உள்ளது.
மேலும் அதற்கான சாத்தியக்கூறுகளை ஆராய அமைக்கப்பட்ட குழு, ஓய்வூதிய ஒழுங்குமுறை மேம்பாட்டு ஆணையம் உள்ளிட்ட அமைப்புகளுடன் ஆலோசனை நடத்தி வருகிறது.”
மேலும் அவர் பேசுகையில், “மத்திய-மாநில அரசு திட்டத்தில் மத்திய அரசின் பங்களிப்பு குறைந்து வருகிறது. குறிப்பாக பிரதம மந்திரி வீட்டு வசதி திட்டத்தில் நகரங்களில் வீடுகள் கட்ட மத்திய அரசு ரூ.1.5 லட்சம், தமிழக அரசு ரூ. 12 முதல் ரூ.14 லட்சம் வரை தமிழகத்திற்கு வர வேண்டிய அனைத்து திட்டங்களும் மாநிலங்களவையில் உள்ள திட்டங்களுக்கு நிதி ஒதுக்குவது ஏன்?
சென்னை 2-ம் கட்ட மெட்ரோ ரயில் திட்டத்தால் தமிழக அரசுக்கு ரூ.12,000 கோடி நிதிச்சுமை ஏற்பட்டுள்ளது. 2-ம் கட்ட மெட்ரோ ரயில் திட்டத்திற்கான நிதியை மத்திய அரசு வழங்கவில்லை.
நாக்பூர், கொச்சி மற்றும் புனே ஆகிய நகரங்களுக்கு 2-ம் கட்ட மெட்ரோ திட்டங்களுக்கு மத்திய அரசு நிதியும் அனுமதியும் வழங்கியுள்ளது.
மத்திய அரசு நிதி ஒதுக்கியிருந்தால், வேறு திட்டத்துக்கு இந்த தொகையை ஒதுக்குவோம். மத்திய அரசின் நியாயமற்ற நடவடிக்கையால் அரசுக்கு ரூ.12,000 கோடி கூடுதல் செலவு ஏற்பட்டுள்ளது.
தமிழகத்திற்கு பேரிடர் நிவாரண நிதியாக ரூ.37,000 கோடி கோரப்பட்ட நிலையில், ரூ.232 கோடி மட்டுமே ஒதுக்கப்பட்டுள்ளது. தமிழகத்திற்கு அநீதி இழைக்கப்படுகிறது.
