சென்னை: சென்னை மாநகர போக்குவரத்துக் கழகத்தில் மேலும் 66 தாழ்தளப் பேருந்துகள் பயன்பாட்டுக்கு வந்துள்ளன. இந்த பேருந்துகள் எந்தெந்த வழித்தடங்களில் இயக்கப்படும் என்பது குறித்த அறிவிப்பு வெளியாகியுள்ளது. சென்னையைப் பொறுத்தவரை பேருந்துகளின் தேவை தவிர்க்க முடியாததாகிவிட்டது.
வார இறுதி மற்றும் விடுமுறை நாட்களில் சிறப்பு பஸ்கள் இயக்கப்படுவதால், அரசு பஸ்களை மக்கள் அதிகளவில் பயன்படுத்துவதால், பஸ்களின் எண்ணிக்கையை அதிகரிக்க வேண்டிய அவசியம் ஏற்பட்டுள்ளது. புதிய பேருந்துகள் பெரிய அளவில் பயன்பாட்டுக்கு கொண்டு வரப்பட்டுள்ளன.
அதற்காக நிறைய பஸ்கள் வாங்கப்படுகின்றன. 6 ஆண்டுகளுக்கு முன், குறுகலான சாலைகளில் செல்ல முடியாததால், தாழ்தளப் பேருந்து நிறுத்தப்பட்டது. மாற்றுத் திறனாளிகள் பயன்பெறும் வகையில் தாழ்தளப் பேருந்துகளை மீண்டும் இயக்க வேண்டும் என்ற கோரிக்கை வலுத்துள்ளது.
மாநகரப் போக்குவரத்துக் கழகத்துக்கு நவீன தொழில்நுட்பத்துடன் கூடிய 611 தாழ்தளப் பேருந்துகள் ஒதுக்கப்பட்டுள்ளன. முதற்கட்டமாக 58 பேருந்துகளை கடந்த மாதம் தொடங்கி வைத்தார். புதிய பேருந்துகளில் இறங்கும் நடைமேடையின் உயரம் 60 மி.மீ குறைக்கப்பட்டு, பயணிகளை ஏறியவுடன் பழைய உயரத்திற்கு மாற்றும் வசதியும், மாற்றுத்திறனாளிகள் சக்கர நாற்காலியுடன் செல்ல சாய்வுதள வசதியும் உள்ளது.
சென்னையில் தற்போது 66 புதிய தாழ்தளப் பேருந்துகள் இயக்கப்படுகின்றன. இவை அம்பத்தூர் தொழிற்பேட்டை – வேளச்சேரி, தாம்பரம் – செங்குன்றம், கோயம்பேடு – அண்ணா சதுக்கம் உள்ளிட்ட 11 வழித்தடங்களில் இயக்கப்படும் என அறிவிக்கப்பட்டுள்ளது. புதிதாக 66 பேருந்துகள் இயக்கப்படும் வழித்தடங்கள் குறித்த விவரம் வெளியிடப்பட்டுள்ளது.
