முட்டுக்காடு: செங்கல்பட்டு மாவட்டம் முட்டுக்காடு படகு இல்லத்தில் பொதுமக்கள் பயன்பாட்டிற்கு 5 கோடி மதிப்பீட்டில் அமைச்சர்கள் தா.மோ. அன்பரசன் மற்றும் ஆர்.ராஜேந்திரன் ஆகியோர் ரூ.5 கோடி ரூபாய் மதிப்பிலான மிதக்கும் உணவகத்தை தொடங்கி வைத்தனர்.
தமிழகத்தில் முதன்முறையாக புதுமையான அனுபவத்தை வழங்கும் வகையில் தனியார் நிறுவனம் ஒன்று சென்னையில் பங்கேற்கிறது. இந்த மிதக்கும் உணவகம் 3,000 சதுர அடி மற்றும் 100 பேர் அமரும் வசதிகளுடன் இரண்டு அடுக்குகளுடன் வடிவமைக்கப்பட்டுள்ளது. மேலும், இந்த உணவகம் கருத்தரங்குகள், அலுவலக கூட்டங்கள், பிறந்தநாள் கொண்டாட்டங்கள் மற்றும் பொழுதுபோக்கு விருந்துகள் போன்ற நிகழ்வுகளை நடத்தும் வகையில் வடிவமைக்கப்பட்டுள்ளது.
இதைத்தொடர்ந்து அமைச்சர் ஆர்.ராஜேந்திரன் பேசியதாவது:- தமிழகத்தில் முதன்முறையாக தனியார் பங்களிப்புடன் ரூ.5 கோடியே 23 லட்சம் மதிப்பில் மிதக்கும் உணவகம் அமைக்கப்பட்டுள்ளது. இப்போது சுற்றுலாப் பயணிகள் இதைப் பயன்படுத்தலாம். தனிநபர் கட்டணங்கள், குழுவிகிதங்கள், தனியார் நிறுவன ஊழியர்களுக்கான கட்டணங்கள் போன்றவை அறிவிக்கப்படும்.
இங்கு கிடைக்கும் வரவேற்பைப் பொறுத்து வாய்ப்புள்ள மற்ற இடங்களிலும் இதுபோன்ற உணவகப் படகுகள் தொடங்கப்படும். தமிழகம் முழுவதும் 300 சுற்றுலா மையங்களை உருவாக்க முதல்வர் ஸ்டாலின் உத்தரவிட்டுள்ளார். இந்நிகழ்ச்சியில், சுற்றுலா, பண்பாடு மற்றும் அறநிலையத் துறை முதன்மைச் செயலர் டாக்டர் பி.சந்திர மோகன், சுற்றுலா ஆணையர் மற்றும் சுற்றுலா வளர்ச்சிக் கழக நிர்வாக இயக்குநர் ஷில்பா பிரபாகர் சதீஷ், எம்எல்ஏக்கள் எஸ்.ஆர். ராஜா, இ.கருணாநிதி, வரலட்சுமி மதுசூதனன், பாலாஜி, மற்றும் அரசு உயர் அதிகாரிகள் உடன் இருந்தனர்.
