மதுரை: அதிமுக-பாஜக கூட்டணி தொடர்பான கேள்விகளுக்கு 15 நாட்களுக்கு பிறகு பதில் அளிப்பதாக செல்லூர் ராஜூ கூறியது பரபரப்பை ஏற்படுத்தியது. நேற்று மதுரை பெத்தானியாபுரம் பகுதியில் ரூ.72 கோடி மதிப்பிலான சாலை அமைக்கும் பணிகளுக்கு முன்னாள் அமைச்சர் செல்லூர் ராஜூ அடிக்கல் நாட்டினார்.
படைப்புகளைப் பற்றிப் பேசியவர் சட்டென்று எழுந்து, ‘வணக்கம்… நன்றி’ என்றார். பாஜகவுடனான அதிமுக கூட்டணி, மாநில தலைவர் மாற்றம், பாஜகவுக்கு எதிராக முன்னாள் அமைச்சர் ஜெயக்குமார் பேசியது குறித்து அவரிடம் நிருபர்கள் தொடர் கேள்விகள் கேட்டனர். இதனால் அதிர்ச்சி அடைந்த செல்லூர் ராஜூ, அதிமுக-பாஜக கூட்டணி குறித்த அரசியல் கேள்விகளுக்கு 15 நாட்களுக்கு பிறகு பதில் சொல்கிறேன்.
பொறுமையாக இருங்கள்.. உறுதியாக சொல்கிறேன். அரசியல் கருத்துகளை கூறும்போது கண்டிப்பாக சொல்வேன் என்று கூறிவிட்டு சென்றார். செல்லூர் ராஜூ கடந்த சில மாதங்களாக பாஜகவையும், அண்ணாமலையையும் கடுமையாக விமர்சித்து வருகிறார். ஆனால் அவர் திடீரென பின்வாங்கியது தலைமையின் தடையா? இதனால் பரபரப்பு ஏற்பட்டுள்ளது.
