சென்னை: சென்னை எழும்பூர் – விழுப்புரம் வழித்தடத்தில், சிங்கபெருமாள்கோயில் – செங்கல்பட்டு இடையே, புறநகர் மின்சார ரயில் சேவையில் மாற்றம் செய்யப்பட உள்ளது. இன்று முதல் 23-ம் தேதி வரை சென்னை கடற்கரையில் இருந்து செங்கல்பட்டுக்கு காலை 11.40, நண்பகல் 12.20, 12.40, மதியம் 1.45, 2.15 மற்றும் இரவு 9.20 மணிக்கு இயக்கப்படும் மின்சார ரெயில்கள் சிங்கபெருமாள்கோயில்-செங்கல்பட்டு இடையே பகுதியாக ரத்து செய்யப்படுகிறது.
அதே நாட்களில், செங்கல்பட்டில் இருந்து சென்னை கடற்கரைக்கு மதியம் 1.45, பிற்பகல் 2.20, 3.05 மாலை 4.05, 4.35 மற்றும் இரவு 11 மணிக்கு புறப்படும் மின்சார ரயில்கள், செங்கல்பட்டு – சிங்கபெருமாள்கோயில் இடையே பகுதியளவில் ரத்து செய்யப்பட்டுள்ளன. இத்தகவல் சென்னை ரயில்வே கோட்ட செய்திக்குறிப்பில் தெரிவிக்கப்பட்டுள்ளது.
