சென்னை: அரசுப் பொறியியல் கல்லூரிகளில் உதவிப் பேராசிரியர்கள் ஆசிரியர் தேர்வு வாரியம் மூலம் நியமிக்கப்படுகிறார்கள். ஆனால், அண்ணா பல்கலைக்கழக உதவிப் பேராசிரியர்கள் இதுவரை பல்கலைக்கழகம் மூலமாகவே நியமனம் செய்யப்பட்டு வந்தனர். இந்நிலையில், அண்ணா பல்கலைக்கழக துணைப் பேராசிரியர்கள் மற்றும் உடற்கல்வித்துறை உதவி இயக்குநர்கள் மற்றும் நூலகர்கள் முதன்முறையாக டிஆர்பி போட்டித் தேர்வு மூலம் தேர்வு செய்யப்பட உள்ளனர்.
அண்ணா பல்கலைக்கழகம் 24.11.2023 அன்று உதவிப் பேராசிரியர், நூலகர், உடற்கல்வி உதவி இயக்குநர் பணியிடங்களுக்கான நேரடி நியமன அறிவிப்பை வெளியிட்டது. இதற்கான விண்ணப்பங்களும் ஆன்லைனில் பெறப்பட்டன. எனினும், நியமனம் தொடர்பான மேலதிக பணிகள் எதுவும் மேற்கொள்ளப்படவில்லை.
இந்நிலையில், உதவிப் பேராசிரியர், நூலகர், உடற்கல்வி உதவி இயக்குநர் நேரடி நியமனத்திற்கான அறிவிப்பை ஆசிரியர் தேர்வு வாரியம் வெளியிடும் என அண்ணா பல்கலைக்கழகப் பதிவாளர் ஜெ.பிரகாஷ் அறிவித்துள்ளார். இந்தப் பணிகளுக்கு விண்ணப்பித்தவர்கள் தங்களது விண்ணப்பம் ஏற்கப்பட்டதா அல்லது நிராகரிக்கப்பட்டதா என்பதை ஆன்லைனில் (https://rcell.annauniv.edu/Direct Recruitment) பார்க்கலாம் என்றும் அவர் கூறினார்.
