குன்னூர்: குன்னூர்-மேட்டுப்பாளையம் மலை ரயில் பாதையில் பாறைகள் விழுந்ததால் குன்னூர்-மேட்டுப்பாளையம் இடையே இயக்கப்படும் மலை ரயில் சேவை ரத்து செய்யப்பட்டுள்ளது. நீலகிரி மாவட்டம் குன்னூரைச் சுற்றியுள்ள பகுதிகளில் கடந்த ஒரு வாரமாக அவ்வப்போது மழை பெய்து வருகிறது. இந்த நிலையில், மேட்டுப்பாளையம்-குன்னூர் இடையே உள்ள ஹில் குரோவ் பகுதியில் உள்ள மலை ரயில் பாதையில் இன்று பாறைகள் விழுந்தன.
இதன் காரணமாக, மேட்டுப்பாளையத்தில் இருந்து குன்னூர் வரை இயக்கப்படவிருந்த மலை ரயில் ரத்து செய்யப்பட்டுள்ளது. தற்போது, அந்தப் பகுதியில் உள்ள பாறைகளை அகற்றும் பணியில் ரயில்வே ஊழியர்கள் ஈடுபட்டுள்ளனர். அதே நேரத்தில், குன்னூர்-ஊட்டி இடையே மலை ரயில் எந்த பாதிப்பும் இல்லாமல் இயக்கப்படுகிறது.
