சென்னை: இந்திய தொழில்நுட்பக் கழகம், சென்னை (ஐஐடி சென்னை) பிரான்சின் டூர்ஸ் பல்கலைக்கழகத்துடன் இணைந்து ‘உயர் மதிப்புள்ள பைட்டோ கெமிக்கல்களின் நிலையான உயிர் உற்பத்தி’ என்ற பாடத்தை வழங்குகிறது.
இந்திய அரசு சமீபத்தில் ‘பயோஇ3 கொள்கையை’ அறிவித்தது, இது அதிக திறன் கொண்ட உயிர் உற்பத்தியுடன் நிலையான வளர்ச்சிக்காக உயிரி அடிப்படையிலான தயாரிப்புகளின் பெரிய அளவிலான உற்பத்தியை ஊக்குவிக்கும் மற்றும் எளிதாக்குவதை நோக்கமாகக் கொண்டது.
அதன் அடிப்படையில் தற்போது இது தொடங்கப்பட்டுள்ளது. தாவர மற்றும் நுண்ணுயிர் உயிரித் தொழில்களில் இருந்து அதிக மதிப்புள்ள தாவர அடிப்படையிலான இயற்கைப் பொருட்களை உற்பத்தி செய்து, ‘நிலையான உயிரி உற்பத்தி’யைச் சுற்றி வடிவமைக்கப்பட்டுள்ளது.
சந்தையில் பல்வேறு வணிகப் பயன்பாடுகளுக்கான தாவர இரசாயனங்களின் அதிகரித்து வரும் தேவையைப் பூர்த்தி செய்வதற்கும் இயற்கையைப் பாதுகாப்பதற்கும் இந்தப் பாடநெறி உதவிகரமாக இருக்கும்.
சென்னை ஐஐடிக்கு வெளியே இருப்பவர்களுக்காக இது தொடங்கப்பட்டுள்ளது. ஆராய்ச்சியாளர்கள், வல்லுநர்கள், தாவர பயோடெக்னாலஜி/பயோபிராசஸ் இன்ஜினியரிங்/பயோடெக்னாலஜி மாணவர்கள் (பிடெக், எம்டெக், பிஎச்டி), அங்கீகரிக்கப்பட்ட கல்வி நிறுவனங்களின் ஆசிரிய உறுப்பினர்கள் விண்ணப்பிக்கலாம்.
விண்ணப்பதாரர்கள் தாவர செல் மற்றும் நுண்ணுயிர் தொழில்நுட்பம், நொதித்தல் தொடர்பான அடிப்படை அம்சங்களை நன்கு அறிந்திருக்க வேண்டும். 30 இடங்கள் கொண்ட இந்தப் படிப்புக்கு விண்ணப்பதாரர்கள் நேரில் ஆஜராக வேண்டும்.
விண்ணப்பங்கள் 22 நவம்பர் 2024 வரை அனுமதிக்கப்படும். மேலும் விவரங்கள் பின்வரும் இணைப்பில் கொடுக்கப்பட்டுள்ளன- https://shorturl.at/23b9H
