சென்னை: பி.ஆரின் 69-வது நினைவு தினம். தமிழ்நாடு அம்பேத்கர் மக்கள் இயக்கம் சார்பில் சென்னை கிண்டியில் உள்ள கவர்னர் மாளிகையில் நேற்று அம்பேத்கர் விழா கொண்டாடப்பட்டது. ஆளுநர் ஆர்.என். ரவி தலைமை வகித்து பல்வேறு துறைகளில் சிறப்பாக செயல்பட்ட 10 நபர்களை கவுரவித்தார். அதன்படி நடிகர் பிரேம்ஜி, பாடகர்கள் செந்தில் கணேஷ், ராஜலட்சுமி உள்ளிட்டோருக்கு விருதுகள் வழங்கப்பட்டன.
விழாவில் பேசிய ஆளுநர் ஆர்.என். ரவி பேசியதாவது:- அம்பேத்கர் உருவாக்கிய அரசியலமைப்புச் சட்டம் நம் நாடு எங்கு செல்ல வேண்டும் என்ற கனவைக் கொண்டுள்ளது. இதில் சமூக நீதி, பொருளாதாரம், அரசியல் என அனைத்தையும் அம்பேத்கர் குறிப்பிட்டுள்ளார். சமூக நீதி தங்களுக்கு மட்டுமே உரியது என்று சிலர் நினைக்கிறார்கள். ஆனால் அம்பேத்கர் உருவாக்கிய அரசியல் சட்டத்தின் அடிப்படை சமூக நீதி.
சிலர் அரசியல் வாக்குகளுக்காக அம்பேத்கரின் பெயரை பயன்படுத்துகின்றனர். சுதந்திரம் அடைந்து 75 ஆண்டுகள் ஆன பிறகும், பட்டியல் சாதியினருக்கு கோவில்களில் நுழைய அனுமதி மறுக்கப்படுகிறது. பட்டியல் சாதியினர் பயன்படுத்தும் தண்ணீர் தொட்டியில் மலம் கழிக்கப்படுகிறது. சில பள்ளிகளில் பட்டியல் சாதி மாணவர்கள் தனித்தனியாக அமர வைக்கப்பட்டுள்ளனர். இதன் மூலம் 75 ஆண்டுகள் கடந்தும் சமூக நீதியை நாம் அடையவில்லை.
ஆனால் சமூக நீதி பற்றி மட்டுமே பேசிக் கொண்டிருக்கிறோம். இதெல்லாம் தமிழகத்தில் நடக்கிறது. தமிழகத்தில் கடந்த 3 ஆண்டுகளில் மட்டும் பட்டியலின மக்களுக்கு எதிரான குற்றங்கள் 40 சதவீதம் அதிகரித்துள்ளது. நமது மாநிலத்தில் பட்டியலிடப்பட்ட சாதிப் பெண்களை பலாத்காரம் செய்பவர்களுக்கான தண்டனை விகிதம் தேசிய சராசரியை விட பாதிக்கும் குறைவாக உள்ளது. இதெல்லாம் மிகவும் கவலையளிக்கிறது. இவ்வாறு அவர் கூறினார். இந்நிகழ்ச்சியில் தமிழ்நாடு அம்பேத்கர் மக்கள் இயக்கத் தலைவர் இளமருகு முத்து, தேசிய ஆதி திராவிடர் நல ஆணைய இயக்குநர் எஸ்.ரவிவர்மன், வி.வரபிரசாத் ராவ் ஐஏஎஸ், மருத்துவர் திலீப் உள்ளிட்டோர் பங்கேற்றனர்.
