ஊட்டி : சர்வதேச சுற்றுலா நகரமான ஊட்டியில் கோடை சீசன் ஏப்ரல் மற்றும் மே மாதங்களிலும், 2-வது சீசன் செப்டம்பர் மற்றும் அக்டோபர் மாதங்களில் கொண்டாடப்படுகிறது.
2-வது சீசனின் போது, ஊட்டியை தேன்நிலவு மற்றும் வடமாநில சுற்றுலா பயணிகள் முற்றுகையிடுவது வழக்கம். தற்போது ஊட்டியில் 2-வது சீசன் துவங்கி சுற்றுலா பயணிகள் வரத்தொடங்கியுள்ளனர்.
ஓணம் பண்டிகை ஒவ்வொரு ஆண்டும் ஆகஸ்ட் அல்லது செப்டம்பரில் மலையாள மொழி பேசும் மக்களால் கொண்டாடப்படுகிறது. கேரளாவின் முக்கிய திருவிழா என்பதால் சுமார் 10 நாட்கள் விடுமுறை அளிக்கப்படும்.
ஓணம் பண்டிகைக்கு 10 நாட்களுக்கு முன்பு தங்கள் வீடுகளில் அத்தபூ கோலம் போட்டு கொண்டாடுகிறார்கள். கேரளாவைச் சேர்ந்த ஏராளமான சுற்றுலாப் பயணிகள் ஊட்டியில் முகாமிட்டு, சுற்றுலாப் பயணிகளை கண்டு மகிழ்கின்றனர்.
கேரளாவின் வயநாடு மாவட்டத்தில் ஜூலை மாத இறுதியில் வரலாறு காணாத நிலச்சரிவில் 400-க்கும் மேற்பட்டோர் உயிரிழந்தனர். இந்த சோக சம்பவத்தின் வடு இன்றும் மறையாததால், ஓணம் பண்டிகை கொண்டாடப்படவில்லை.
மிக எளிமையான முறையில் கொண்டாடப்பட்டது. இந்த சம்பவத்தால் ஊட்டிக்கு வரும் கேரள சுற்றுலா பயணிகள் குறைவு. இதனால் 2-வது சீசன் துவங்கி 15 நாட்களுக்கும் மேலாக கூட்டம் குறைவாகவே காணப்பட்டது. ஞாயிற்றுக்கிழமை விடுமுறை தினமான நேற்று ஓணம் பண்டிகை கொண்டாடப்பட்டதால், ஊட்டியில் உள்ள தாவரவியல் பூங்கா, ரோஜா பூங்கா, தொட்டபெட்டா சிகரம், பைக்காரா படகு இல்லம், நீர்வீழ்ச்சி, படகு இல்லம் உள்ளிட்ட சுற்றுலா தலங்களில் கேரள சுற்றுலா பயணிகள் குவிந்தனர்.
இதேபோல் ஊட்டி படகு இல்லத்தில் இதமான வானிலை நிலவியதால் ஏராளமான சுற்றுலா பயணிகள் படகு சவாரி செய்து மகிழ்ந்தனர்.
அதேநேரம், இ-பாஸ் அமல்படுத்தப்பட்டதால், வழக்கமாக வார இறுதி நாட்களில் வரும் கூட்டத்தை விட, சுற்றுலா பயணிகளின் எண்ணிக்கை குறைவாக இருந்தது குறிப்பிடத்தக்கது.
