சென்னை: மத்திய பல்கலைக் கழகங்களில் முதுகலை படிப்புகளில் சேர்வதற்கான CUTE நுழைவுத்தேர்வு மார்ச் 13 முதல் 31 வரை நடைபெறும் என NDA அறிவித்துள்ளது. நாடு முழுவதும் உள்ள மத்திய பல்கலைக்கழகங்கள் மற்றும் அவற்றின் கீழ் இயங்கும் கல்லூரிகளில் இளங்கலை மற்றும் முதுகலை படிப்புகளில் சேர்க்கை பெற, பொது நுழைவுத் தேர்வில் (CUET) தேர்ச்சி பெற வேண்டும்.
இத்தேர்வை தேசிய தேர்வு முகமை (என்டிஏ) ஆண்டுதோறும் நடத்துகிறது. அதன்படி, அடுத்த கல்வியாண்டில் (2025-26) முதுகலை படிப்புகளுக்கான CUTE தேர்வு மார்ச் 13 முதல் 31 வரை கணினி அடிப்படையிலான முறையில் நடத்தப்படும். இதற்கான ஆன்லைன் விண்ணப்ப பதிவு தற்போது தொடங்கியுள்ளது. ஆர்வமுள்ள பட்டதாரிகள் https://exams.nta.ac.in/CUET-PG/ என்ற இணையதளத்தின் மூலம் பிப்ரவரி 1ஆம் தேதி வரை விண்ணப்பிக்கலாம்.
விண்ணப்பக் கட்டணம் செலுத்த பிப்ரவரி 2 கடைசி நாளாகும். மேலும், விண்ணப்பங்களில் திருத்தம் செய்ய பிப்ரவரி 3 முதல் 5 வரை கால அவகாசம் வழங்கப்படும். தேர்வுக்கான ஹால் டிக்கெட் வெளியீடு, விண்ணப்பக் கட்டணம் உள்ளிட்ட கூடுதல் விவரங்களை www.nta.ac.in/ என்ற இணையதளத்தில் பார்க்கலாம். மேலும், விண்ணப்பிப்பதில் உங்களுக்கு ஏதேனும் சிரமங்கள் இருந்தால், 011-40759000 அல்லது helpdesk-cuetpg@nta.ac.in என்ற எண்ணில் எங்களைத் தொடர்பு கொள்ளலாம் என்று NTA வெளியிட்டுள்ள செய்திக்குறிப்பில் தெரிவிக்கப்பட்டுள்ளது. இதேவேளை, பல்கலைக்கழக மானியங்கள் ஆணைக்குழுவின் (யுஜிசி) பரிந்துரைகளின் பிரகாரம் இந்த ஆண்டு முதல் CUTE நுழைவுத் தேர்வில் பல்வேறு திருத்தங்கள் மேற்கொள்ளப்பட்டுள்ளமை குறிப்பிடத்தக்கது.
