சென்னை: சிறப்பாக செயல்படும் மாநிலங்களுக்கு நிதி மறுக்கும் மத்திய அரசின் நடவடிக்கையை முதல்வர் மு.க.ஸ்டாலின் விமர்சித்துள்ள நிலையில், தமிழக மாணவர்களின் நலனுக்கு முன்னுரிமை அளித்து தேசிய கல்விக் கொள்கையை அமல்படுத்த வேண்டும் என மத்திய அமைச்சர் தர்மேந்திர பிரதான் வலியுறுத்தியுள்ளார்.
ஒருங்கிணைந்த பள்ளிக் கல்வித் திட்டத்தின் (சமக்ர சிக்சா அபியான்) தமிழகத்துக்கு வழங்க வேண்டிய நிதியை மத்திய அரசு நிறுத்தி வைத்துள்ளது. பிரதம மந்திரி திட்டத்தை செயல்படுத்த மத்திய கல்வி அமைச்சகத்துடன் புரிந்துணர்வு ஒப்பந்தம் செய்து கொள்ளாத மாநிலங்களுக்கு இந்த நிதி வழங்கப்படுவதில்லை.
இதற்கு பல்வேறு தரப்பினரும் எதிர்ப்பு தெரிவித்து வருகின்றனர். இந்நிலையில், முதல்வர் மு.க.ஸ்டாலின் நேற்று வெளியிட்ட சமூக வலைதளப் பதிவில், ‘நன்றாக செயல்படும் மாநிலங்களுக்கு நிதி மறுப்பது, இலக்கை எட்டாதவர்களுக்கு நிதி ஒதுக்குவது, இப்படித்தான் ஊக்குவிக்க மத்திய பாஜக அரசு திட்டமிட்டுள்ளது.
தரமான கல்வி மற்றும் சமத்துவம் குறித்த முடிவை நாட்டுக்கும் நாட்டு மக்களுக்கும் விட்டு விடுகிறேன்.
இந்நிலையில், செயல்தலைவர் ஸ்டாலினுக்கு பதில் அளித்து மத்திய கல்வித்துறை அமைச்சர் தர்மேந்திர பிரதான் தனது எக்ஸ் இணையதளத்தில் கூறியிருப்பதாவது: ஜனநாயகத்தில் மாநிலங்களுக்கு இடையே ஆரோக்கியமான போட்டி வரவேற்கத்தக்கது.
அதே சமயம், ஒரு மாநிலத்தை மற்றொரு மாநிலத்துக்கு எதிராக நிறுத்தி, ஒரு விஷயத்தை உருவாக்குவது அரசியலமைப்புச் சட்டத்துக்கும், ஒன்றுபட்ட இந்தியாவுக்கும் எதிரானது.
பல்வேறு ஆலோசனைகளுக்குப் பிறகு தேசிய கல்விக் கொள்கை உருவாக்கப்பட்டது. இந்திய மக்களின் முழு அறிவும் இதில் அடங்கியுள்ளது. தேசிய கல்விக் கொள்கைக்கு உங்களின் திட்டமிட்ட எதிர்ப்பு குறித்து சில கேள்விகளை எழுப்ப விரும்புகிறேன்.
தமிழ் உள்ளிட்ட தாய்மொழியில் கற்பதை எதிர்க்கிறீர்களா, தமிழ் உள்ளிட்ட இந்திய மொழிகளில் தேர்வு நடத்துவதை எதிர்க்கிறீர்களா, தமிழ் உள்ளிட்ட இந்திய மொழிகளில் பாடத்திட்டம் மற்றும் பாடப் புத்தகங்களை உருவாக்குவதை எதிர்க்கிறீர்களா, புதிய கல்விக் கொள்கையை எதிர்க்கிறீர்களா?
முழுமையான வளர்ச்சி, பல்துறை அறிவு மற்றும் எதிர்கால தேவை ஆகியவற்றின் அடிப்படையில்? இல்லாவிட்டால், உங்கள் அரசியல் ஆதாயங்களை ஒதுக்கி வைத்துவிட்டு, தமிழக மாணவர்களின் நலனுக்கு முன்னுரிமை அளித்து, தேசிய கல்விக் கொள்கையை அமல்படுத்துமாறு கேட்டுக்கொள்கிறேன். இவ்வாறு அவர் கூறினார்.
