தமிழ்நாடு அரசுப் போக்குவரத்துக் கழகங்களில் மொத்தம் 8 கோட்டங்களில் 20 ஆயிரத்துக்கும் மேற்பட்ட பேருந்துகள் இயக்கப்படுகின்றன. மார்ச் 2015 நிலவரப்படி, போக்குவரத்துக் கழகங்களில் 1.44 லட்சம் ஊழியர்கள் உள்ளனர். அதன்பிறகு புதிய பணி நியமனம் செய்யப்படாததால், ஓய்வு பெற்றவர்களைத் தவிர்த்து 1.10 லட்சம் பேர் மட்டுமே உள்ளனர். இந்த காலகட்டத்தில் விரைவு போக்குவரத்து கழகத்தில் மட்டும் 685 பணியிடங்கள் நிரப்பப்பட்டன.
புதிய நியமனங்களுக்கு தொடர்ந்து முக்கியத்துவம் அளிக்கப்பட்டு வரும் நிலையில், தற்போது தமிழ்நாடு சாலை போக்குவரத்து கழகம் இது தொடர்பான அறிவிப்பை வெளியிட்டுள்ளது. அதில் கூறப்பட்டுள்ளதாவது:- தமிழ்நாடு அரசுப் போக்குவரத்துக் கழகங்களின் 8 பிரிவுகளில் 3,274 டிரைவர்-கண்டக்டர் (டிசிசி) பணியிடங்களுக்கு www.arasubus.tn.gov.in என்ற இணையதளம் மூலம் விண்ணப்பங்கள் வரவேற்கப்படுகின்றன.
சென்னை மாநகரப் போக்குவரத்துக் கழகத்தில் 364, விரைவுப் போக்குவரத்துக் கழகத்தில் 318, விழுப்புரத்தில் 322, கும்பகோணத்தில் 756, சேலத்தில் 486, கோவையில் 344, மதுரையில் 322, திருநெல்வேலியில் 362 காலியிடங்கள் உள்ளன. ஜூலை 1, 2025 அன்று 24 வயது பூர்த்தியடைந்தவர்கள் விண்ணப்பிக்கலாம். கல்வித் தகுதி 10-ம் வகுப்பு தேர்ச்சி. தமிழில் பேசவும் எழுதவும் தெரிந்திருக்க வேண்டும்.
கனரக வாகன ஓட்டுநர் உரிமம், குறைந்தபட்சம் 18 மாத அனுபவம், முதலுதவி சான்றிதழ், பொது சேவை சான்றிதழ், நடத்துனர் உரிமம் பெற்றிருக்க வேண்டும். குறைந்தபட்சம் 160 செ.மீ. உயரம் மற்றும் 50 கிலோ எடை. அரசு விதிகளின்படி இட ஒதுக்கீடு வழங்கப்படும். பணியில் சேர தகுதியும் விருப்பமும் உள்ளவர்கள் மார்ச் 21 முதல் ஆன்லைனில் ரூ.590 செலுத்தி விண்ணப்பிக்கலாம். வங்கி சேவைக் கட்டணங்கள் தவிர்த்து 1,180. விண்ணப்பம் ஏப்ரல் 21-ம் தேதிக்குள் பதிவு செய்யப்பட வேண்டும். எழுத்து, நடைமுறைத் தேர்வுகள் மற்றும் நேர்காணல் மூலம் தகுதியானவர்கள் தேர்ந்தெடுக்கப்படுவார்கள். தேர்வு குறித்த விவரங்கள் மேற்கண்ட இணையதளத்தில் அவ்வப்போது வெளியிடப்படும். இவ்வாறு அதில் கூறப்பட்டுள்ளது.
