சென்னை: மாற்றுக் கட்சியைச் சேர்ந்த ஆயிரத்திற்கும் மேற்பட்டோர், முதல்வர் மு.க., ஸ்டாலின் முன்னிலையில், நேற்று, தி.மு.க.,வில் இணைந்தனர். சென்னை அண்ணா அறிவாலய விழாவில், தி.மு.க., பொதுச் செயலர் அமைச்சர் துரைமுருகன் பேசியதாவது:-
துரைமுருகன், எம்.ஏ., பி.எல்., எம்.எல்.ஏ., மற்றும் தி.மு.க., பொருளாளர் என, பல ஆண்டுகளாக பல அந்தஸ்து பெற்றுள்ளேன் என்றால், அதற்கு காரணம், பெரியார் ஒருவர் மட்டுமே. பெரியார் இல்லாவிட்டால் இன்னும் கோவணம் கட்டி ஏர் ஓட்டி கொண்டு தான் இருந்திருப்பேன். பெரியார் மீது சேற்றை வீசினார்கள். இன்னும் வீசுகிறார்கள்.
பெரியாரிடம் சென்று, ‘ஏன் சிலர் இப்படிச் செய்கிறார்கள்?’ அவர், ‘இன்னும் வயதானவர்கள்தான். அவர்கள் இன்னும் மாறவில்லை. வருவார்கள்.’ இந்தியாவில் தமிழ் சமூகம் தலை நிமிர்ந்து நிற்கிறது என்றால் அதற்குக் காரணம் பெரியார்தான். பெரியாரைக் கூட எதிர்த்துப் பேசும் எத்தனையோ கேடுகெட்ட ஆத்மாக்கள் இருக்கிறார்கள். இவ்வாறு அவர் கூறினார்.
