கடலூர்: சிதம்பரம் அண்ணாமலை பல்கலைக்கழகத்தில் 5000-க்கும் மேற்பட்ட ஆசிரியர்கள் மற்றும் ஊழியர்கள் பணிபுரிகின்றனர். அவர்களுக்கு ஒவ்வொரு மாதத்தின் கடைசி நாளிலும் சம்பளம் வழங்கப்பட்டது. இந்த நிலையில், இன்று வரை அவர்களுக்கு சம்பளம் வழங்கப்படவில்லை என்று கூறப்படுகிறது. இதன் விளைவாக, இன்று காலை 11.30 மணிக்கு, நூற்றுக்கும் மேற்பட்ட பல்கலைக்கழக ஊழியர்கள் பல்கலைக்கழக நிர்வாக அலுவலகத்தை முற்றுகையிட்டு போராட்டம் நடத்தினர்.
முன்னாள் பல்கலைக்கழக ஊழியர் சங்க நிர்வாகிகள் மனோகர் மற்றும் ரவி ஆகியோர் கலந்து கொண்டு பேசினர். தமிழ்நாடு அரசு மற்றும் பல்கலைக்கழக நிர்வாகத்தை கண்டித்து கோஷங்களை எழுப்பினர். இதைத் தொடர்ந்து, ஊழியர்கள் பல்கலைக்கழக துணைவேந்தர் ஒருங்கிணைப்புக் குழு உறுப்பினர் அருள்செல்வியைச் சந்தித்து இந்த விஷயம் குறித்து புகார் அளித்தனர்.
