இன்ஜினியரிங் படிப்புகளுக்கான பொதுப்பிரிவு கவுன்சிலிங் நாளை துவங்கிய பின் மாணவர்கள் தயாராகி விட்டதாக கூறப்படுகிறது.
2024-25ம் கல்வியாண்டுக்கான பொறியியல் மாணவர் சேர்க்கை கடந்த சில நாட்களாக நடந்து வரும் நிலையில் 3 சுற்றுகளாக நடத்தப்படும் என்றும் அறிவிக்கப்பட்டது.
முன்னாள் ராணுவ வீரர்கள், விளையாட்டு வீரர்கள் மற்றும் மாற்றுத்திறனாளிகளின் குழந்தைகளுக்கான கலந்தாய்வு ஜூலை 22ம் தேதி முதல் 27ம் தேதி வரை நடந்தது. இதையடுத்து, பொதுப்பிரிவுக்கான கலந்தாய்வு நாளை முதல் அதாவது ஜூலை 29ம் தேதி முதல் நடைபெறும் என அறிவிக்கப்பட்டது.
இந்த கலந்தாய்வின் போது மாணவர்கள் கல்லூரியை தேர்வு செய்து உறுதி செய்து கொள்ளலாம் என்றும் அறிவிக்கப்பட்டுள்ளது. நாளை துவங்கும் பொதுப்பிரிவினருக்கான கவுன்சிலிங் செப்டம்பர் 3ம் தேதி வரை நடைபெறும் என்றும், இந்த கவுன்சிலிங்கில் மாணவர்கள் தொடர்ந்து மூன்று சுற்றுகளாக கலந்து கொள்ள வேண்டும் என்றும் அறிவுறுத்தப்பட்டுள்ளது.
மேலும், தொழிற்கல்வி பிரிவு மாணவர்களுக்கான கவுன்சிலிங் நாளை துவங்கி ஆகஸ்ட் 10ம் தேதி வரை நடைபெறும் என தமிழ்நாடு பொறியியல் சேர்க்கை செயலர் தெரிவித்துள்ளார்.
