சென்னை: குறைக்கப்பட்டுள்ளது. தமிழகத்தில் கோடை விடுமுறை முடிந்து ஜூன் 10-ம் தேதி அனைத்து பள்ளிகளும் திறக்கப்பட்டு செயல்பட்டன.
இந்நிலையில், நடப்பு கல்வியாண்டின் (2024-25) ஆண்டு காலண்டரை பள்ளிக்கல்வித்துறை வெளியிட்டுள்ளது.
அதில், இந்த கல்வியாண்டுக்கான பள்ளி வேலை நாட்கள் 220 என அறிவிக்கப்பட்டது. குறிப்பாக, 19 சனிக்கிழமைகளில் பள்ளிகள் செயல்படும் என தெரிவிக்கப்பட்டது. இது மாணவர்கள் மற்றும் ஆசிரியர்கள் மத்தியில் பெரும் அதிருப்தியை ஏற்படுத்தியது.
பணிச்சுமையை கருத்தில் கொண்டு வேலை நாட்களை குறைக்க வேண்டும் என பல்வேறு ஆசிரியர் சங்கங்கள் சார்பில் கல்வித்துறைக்கு கோரிக்கை விடுக்கப்பட்டது.
அதன்படி தற்போது பள்ளி வேலை நாட்கள் 210 ஆக குறைக்கப்பட்டுள்ளது. இதுகுறித்து, அனைத்து மாவட்ட முதன்மை கல்வி அலுவலர்களுக்கு, பள்ளிக்கல்வி இயக்குனரகம் அனுப்பியுள்ள சுற்றறிக்கையில் கூறியிருப்பதாவது:-
பள்ளிகளுக்கு, குறைந்தபட்ச வேலை நாட்கள், 220 ஆக நிர்ணயம் செய்யப்பட்டுள்ளது. ஆசிரியர் சங்கங்களின் கோரிக்கையை தொடர்ந்து, தற்போது மாற்றம் செய்யப்பட்டுள்ளது.
அதன்படி கற்றல், கற்பித்தல், தேர்வு உள்ளிட்ட பணிகளுக்கு 210 வேலை நாட்கள் நிர்ணயம் செய்யப்பட்டுள்ளது. ஆசிரியர் பயிற்சிக்கு 10 நாட்கள் ஒதுக்கப்பட்டுள்ளது. திருத்தப்பட்ட காலண்டரை பின்பற்ற அனைத்து பள்ளிகளின் தலைமை ஆசிரியர்களுக்கு மாவட்ட முதன்மை கல்வி அலுவலர்கள் உத்தரவிட வேண்டும். இவ்வாறு அதில் கூறப்பட்டுள்ளது.
