சென்னை: சென்னை வானிலை ஆய்வு மையம் வெளியிட்டுள்ள செய்திக்குறிப்பு: தென்னிந்தியாவில் வளிமண்டலத்தில் குறைந்த சுழற்சி நிலவி வருகிறது. இதன் காரணமாக இன்றும் நாளையும் 22ம் தேதி முதல் 25ம் தேதி வரை தமிழகத்தில் ஒரு சில இடங்களில் இடி, மின்னலுடன் மிதமான மழை பெய்யக்கூடும்.
தமிழகத்தில் இன்று (ஆகஸ்ட் 20) கோவை, கன்னியாகுமரி, திருநெல்வேலி, தென்காசி, தேனி, திண்டுக்கல், திருப்பூர், நீலகிரி, ஈரோடு, தருமபுரி, கிருஷ்ணகிரி, சேலம், நாமக்கல் மாவட்டங்களில் மலையோர பகுதிகளில் ஓரிரு இடங்களில் கனமழை பெய்ய வாய்ப்புள்ளது.
தமிழகத்தில் நேற்று காலை 8.30 மணியுடன் முடிவடைந்த 24 மணி நேரத்தில் அதிகபட்சமாக பெரம்பலூர் மாவட்டம் தளுவாயில் 10 செ.மீ., தேனி மாவட்டம் மஞ்சளாறில் தலா 8 செ.மீ., திருச்சி மாவட்டம் ஆண்டிபட்டியில் தலா 8 செ.மீ., மழை பதிவாகியுள்ளது. திருச்சி மாவட்டம் தலைவாசல், நீலகிரி மாவட்டம் தலைவாசல், திருப்பூர், பெரம்பலூர் மாவட்டம் வேப்பந்தட்டை, மதுரை மாவட்டம் ஆண்டிபட்டியில் தலா 7 செ.மீ. 6 செ.மீ மழை பதிவாகியுள்ளது. அடுத்த 48 மணி நேரத்தில் சென்னை மற்றும் புறநகர் பகுதிகளில் வானம் ஓரளவு மேகமூட்டத்துடன் காணப்படும். நகரின் சில பகுதிகளில் இடி, மின்னலுடன் லேசான மழை பெய்ய வாய்ப்புள்ளது.
மன்னார் வளைகுடா, தென்கிழக்கு கடலோர பகுதிகள் மற்றும் குமரி கடல் பகுதிகளில் இன்று முதல் 23ம் தேதி வரை மணிக்கு 55 கிலோ மீட்டர் வேகத்தில் சூறாவளி காற்று வீசக்கூடும். எனவே இப்பகுதிகளுக்கு மீனவர்கள் செல்ல வேண்டாம்.
