சென்னை: திண்டுக்கல், தர்மபுரி உள்ளிட்ட 12 மாவட்டங்களில் இன்று கனமழை பெய்ய வாய்ப்புள்ளதாக வானிலை ஆய்வு மையம் தெரிவித்துள்ளது. இது தொடர்பாக, சென்னை மண்டல வானிலை ஆய்வு மையம் வெளியிட்டுள்ள வானிலை முன்னறிவிப்பில் கூறியிருப்பதாவது:-
தெற்கு ஒடிசா மற்றும் வடக்கு ஆந்திராவின் கடலோரப் பகுதிகளில் வளிமண்டல மேலடுக்கு நிலவி வருகிறது. மன்னார் வளைகுடா மற்றும் அதை ஒட்டிய பகுதிகளில் வளிமண்டல மேலடுக்கு நிலவி வருகிறது. இந்தியாவின் தெற்குப் பகுதிகளில் வளிமண்டல மேலடுக்கு நிலவி வருகிறது. இந்த தாக்கங்கள் காரணமாக, தமிழ்நாடு மற்றும் புதுச்சேரியின் பெரும்பாலான பகுதிகளில் இன்று லேசானது முதல் மிதமான மழை பெய்ய வாய்ப்புள்ளது.
மணிக்கு 30 முதல் 40 கி.மீ வேகத்தில் பலத்த காற்று வீச வாய்ப்புள்ளது. கோவை மாவட்டம், நீலகிரி, திருவள்ளூர், காஞ்சிபுரம், ராணிப்பேட்டை, திருவண்ணாமலை, கள்ளக்குறிச்சி, சேலம், தர்மபுரி, ஈரோடு, தேனி மற்றும் திண்டுக்கல் மாவட்டங்களின் மலைப்பகுதிகளில் இன்று கனமழை பெய்ய வாய்ப்புள்ளது. இதேபோல், செங்கல்பட்டு, விழுப்புரம் மற்றும் கடலூர் மாவட்டங்களிலும், புதுச்சேரி மற்றும் காரைக்கால் மாவட்டங்களிலும் நாளை ஒன்று அல்லது இரண்டு இடங்களில் கனமழை பெய்ய வாய்ப்புள்ளது.
தமிழ்நாடு, புதுச்சேரி மற்றும் காரைக்கால் மாவட்டங்களில் இன்று சில இடங்களில் அதிகபட்ச வெப்பநிலை 35.6-37.4 டிகிரி பாரன்ஹீட்டாக இருக்கும். சென்னை மற்றும் அதன் புறநகர்ப் பகுதிகளில் இன்று வானம் ஓரளவு மேகமூட்டத்துடன் காணப்படும். நகரின் சில பகுதிகளில் இடி, மின்னலுடன் கூடிய லேசானது முதல் மிதமான மழை பெய்யக்கூடும் என்று வானிலை முன்னறிவிப்பு தெரிவித்துள்ளது.
