சென்னை: சென்னை ஐஐடியில் இன்று (செப்டம்பர் 27) மாணவர்களின் கண்டுபிடிப்புகளை வெளிப்படுத்தும் வகையில் ‘ நிர்மாண் செயல்விளக்க நாள் 2024′ நிகழ்ச்சி நடைபெற்றது.
இது தொடர்பாக சென்னை ஐஐடி வெளியிட்ட அறிக்கை:- சென்னை, இந்திய தொழில்நுட்பக் கழகம் (ஐஐடி மெட்ராஸ்), நிர்மான் நிறுவனத்துடன் இணைந்து, மாணவர்களின் கண்டுபிடிப்புகளை வெளிப்படுத்தும் வகையில், முதன்முறையாக ‘ நிர்மாண் செயல்விளக்க நாள் 2024’க்கு ஏற்பாடு செய்துள்ளது.
இளம் கண்டுபிடிப்பாளர்களை ஊக்குவிப்பதற்கும் அவர்களின் யோசனைகளை சந்தைப்படுத்தக்கூடிய பொருட்களாக மாற்றுவதற்கும் நிர்மான் என்பது சென்னை ஐஐடி வளாகத்தில் உள்ள ஒரு வழிகாட்டி அமைப்பாகும்.
ஐஐடி சென்னையின் தொழில்முனைவோர் மையத்துடன் இணைந்து பணியாற்றும் நிர்மான், மாணவர்களை தொழில்முனைவோருடன் இணைக்கிறது. இது மாணவர்கள் தங்கள் கருத்துக்களை அன்றாட பயன்பாட்டிற்கான தயாரிப்புகளாக மாற்ற உதவுகிறது.
செயற்கை நுண்ணறிவு, ஹெல்த்கேர் டெக்னாலஜி போன்ற பல்வேறு துறைகளைச் சேர்ந்த 30 புதுமையான நிறுவனங்கள் தங்கள் யோசனை அடிப்படையிலான கண்டுபிடிப்புகளை முதலீட்டாளர்கள், தொழில் வல்லுநர்கள் மற்றும் ஐஐடி சென்னை சமூகத்திற்கு ‘ நிர்மாண் செயல்விளக்க நாள் 2024′ இல் வழங்கின.
ஒவ்வொரு ஆண்டும் இதுபோன்ற நிகழ்ச்சியை நடத்த நிறுவனம் திட்டமிட்டுள்ளது. நிர்மாண் செயல்விளக்க நாள்-2024 நிகழ்வை இன்று (27 செப்டம்பர் 2024) ஐஐடி சென்னை இயக்குநர் பேராசிரியர் வி.காமக்கொடி தொடங்கி வைத்தார்.
வென்ச்சர் ஈஸ்ட் ஜெனரல் பார்ட்னர் டாக்டர் ஸ்ரீகாந்த் சுந்தர்ராஜன் கெளரவ விருந்தினராக கலந்து கொண்டார். இதில் மாணவர்கள், ஆசிரியர்கள் கலந்து கொண்டனர். தொடக்க நிகழ்வில் மாணவர்களிடையே உரையாற்றிய காமகொடி, “செயல்திறன் தினத்தின் தொடக்கமானது முன் தொழிற்கல்வி ஊக்குவிப்புக்கான முக்கிய மைல்கல்லாகும்.
மாணவர் தொழில்முனைவோர் தங்கள் திறமை, படைப்பாற்றல் மற்றும் உந்துதலை வெளிப்படுத்துவது மகிழ்ச்சி அளிக்கிறது. மாணவர்கள் எதிர்காலத்தை புதுமைப்படுத்தவும் வடிவமைக்கவும் ஒரு தளத்தை வழங்குவதில் சென்னை ஐஐடியின் அர்ப்பணிப்புக்கு இந்த நிகழ்வு ஒரு சான்றாகும்.
“இளம் ஸ்டார்ட்அப் நிறுவனங்களுக்கு முதலீட்டாளர்கள், தொழில்துறை தலைவர்கள் மற்றும் சாத்தியமான கூட்டு முயற்சியாளர்களுடன் தொடர்புகொள்வதற்கான வாய்ப்புகள் கிடைப்பதால், டெமோ தினம் ஒரு தொடக்கத் திண்டு போன்றது.
சென்னை ஐஐடி மற்றும் நிர்மானின் முதல் கண்டுபிடிப்பைக் காண உங்கள் அனைவரையும் நாங்கள் அழைக்கிறோம், ”என்று அவர் கூறினார்.
நிர்மான் தற்போது 85 மாணவர்கள் தலைமையிலான ஸ்டார்ட்அப்களை ஆதரித்து வருகிறது. இத்திட்டத்தின் கீழ் 26 நிறுவனங்கள் ஏற்கனவே செயல்படத் தொடங்கி ரூ.1000 கோடிக்கு மேல் திரட்டியுள்ளன. இதில் நிறுவனங்கள் தொடங்குவதற்கு மட்டும் ரூ.108 கோடி நிதி திரட்டப்பட்டுள்ளது.
