வடகிழக்கு பருவமழை தீவிரமடைந்து தென்மேற்கு வங்கக்கடலில் நிலைகொண்டிருந்த ஆழ்ந்த காற்றழுத்த தாழ்வு மண்டலம் புயலாக வலுவடைந்தது. இதனால் தர்மபுரி, கிருஷ்ணகிரி, திருவண்ணாமலை மாவட்டங்களில் கனமழை பெய்து வெள்ளப்பெருக்கு ஏற்பட்டது. இந்த வெள்ளப்பெருக்கு காரணமாக சாத்தனூர் அணைக்கு நீர்வரத்து படிப்படியாக அதிகரித்தது.
சாத்தனூர் அணையில் நேற்று நள்ளிரவு 1,68,000 கன அடி தண்ணீர் காணப்பட்டதை அடுத்து, 119 அடி கொண்ட அணையின் நீர்மட்டம் 118.95 அடியாக உயர்ந்தது. இதனால் அணையின் பாதுகாப்பு கருதி உபரி நீர் தென்பண்ணை ஆற்றில் திறந்து விடப்பட்டது.
வரலாறு காணாத வகையில் தென்பண்ணை ஆற்றில் தண்ணீர் விடப்பட்டதால் அப்பகுதியில் உள்ள தரைப்பாலங்கள், வீடுகள் தண்ணீரில் மூழ்கின. 40 அடி உயர மேம்பாலம் வெள்ளத்தில் அடித்து செல்லப்பட்டு தண்ணீர் வரத்து படிப்படியாக குறைந்தது.
இதனால், விழுப்புரம், கடலூர் மாவட்டங்களில் குடியிருப்புகள் சூழ்ந்து, அங்கு வசிக்கும் மக்கள் ஓட்டல்களில் தஞ்சம் அடைந்தனர். சாத்தனூர் அணைக்கு நீர்வரத்து 18,000 கன அடியில் இருந்து 23,000 கன அடியாக அதிகரித்துள்ளது.
தென்பண்ணை ஆற்றில் தண்ணீர் திறந்து விடப்பட்டதால் கரையோர மக்களுக்கு வெள்ள அபாய எச்சரிக்கை விடப்பட்டுள்ளது. அதிகாரிகள் 24 மணி நேரமும் கண்காணித்து வருவதால் சாத்தனூர் அணையில் இருந்து திறக்கப்படும் நீர் தற்போது 15 ஆயிரம் கன அடியாக குறைக்கப்பட்டுள்ளது.
