கோவை: கோவையில் இருந்து சிங்கப்பூருக்கு அக்டோபர் மாதம் முதல் விமான சேவையை தொடங்க இண்டிகோ நிறுவனத்துக்கு அனுமதி கிடைத்துள்ளதாகவும், அதற்கான அதிகாரப்பூர்வ அறிவிப்பு விரைவில் வெளியாகும் என்றும் அதிகாரிகள் தெரிவித்தனர்.
கோவை விமான நிலையத்தில் ஷார்ஜா மற்றும் சிங்கப்பூருக்கு விமானங்கள் உள்ளன. கோயம்புத்தூர் – அபுதாபி இடையே இண்டிகோ நிறுவனம் ஆகஸ்ட் 10-ம் தேதி முதல் புதிய விமான சேவை தொடங்கும் என்றும், டிக்கெட் முன்பதிவு நடைபெற்று வருகிறது என்றும் அறிவிக்கப்பட்டுள்ளது.
இந்நிலையில், கோவையில் இருந்து சிங்கப்பூருக்கு இண்டிகோ நிறுவனம் சார்பில் விமான சேவை தொடங்க அனுமதி கிடைத்துள்ளதாக தகவல் வெளியாகியுள்ளது. இதுகுறித்து விமான நிலைய அதிகாரிகள் கூறுகையில், ”கோவை – சிங்கப்பூர் இடையே தற்போது ‘ஸ்கூட்’ நிறுவனம் மூலம் விமான சேவை வழங்கப்படுகிறது.
வாரத்தின் அனைத்து நாட்களிலும் வழங்கப்படும் இந்த சேவை சிங்கப்பூரில் இருந்து கோவைக்கு இரவு 10 மணிக்கு புறப்பட்டு இரவு 10.45 மணிக்கு சிங்கப்பூருக்கு புறப்படும். கோயம்புத்தூர் மற்றும் சிங்கப்பூர் இடையே அக்டோபர் முதல் விமானங்களை இயக்க இண்டிகோ அனுமதி பெற்றுள்ளது.
இதுகுறித்த அதிகாரபூர்வ அறிவிப்பு வரும் நாட்களில் வெளியாகும்,” என்றார்.கோவையில் தற்போது இரு வெளிநாடுகளுக்கு சேவை செய்து வரும் நிலையில், அபுதாபிக்கு புதிய விமானம், சிங்கப்பூருக்கு கூடுதல் விமானம் தொடங்கப்பட உள்ளதால், வெளிநாட்டு விமானங்களின் எண்ணிக்கை 4 ஆக அதிகரித்துள்ளது.
