சென்னையில் இருந்து வெளியூர் செல்லும் பேருந்துகள் அனைத்தும் கிளாம்பாக்கிலிருந்து புறப்படும். இதனிடையே ஆம்னி பேருந்துகளுக்கு தனி பேருந்து நிலையம் அமைக்கப்பட்டுள்ளது. முடிச்சூரில் ஆம்னி பேருந்து நிலையம் கட்டும் பணி நடைபெற்று வருகிறது. இந்த புதிய பேருந்து நிலையம் எப்போது திறக்கப்படும் என்பது குறித்த தகவல் வெளியாகியுள்ளது.
சென்னை கோயம்பேட்டில் இருந்து திருச்சி, மதுரை, நெல்லை போன்ற நகரங்களுக்கு பேருந்துகள் இயக்கப்படுகின்றன. நாளுக்கு நாள் போக்குவரத்து நெரிசல் அதிகரித்து வருவதால் கிளாம்பாக்கில் புதிய பேருந்து நிலையம் திறக்கப்பட்டுள்ளது. இந்த நிலையம் கடந்த ஆண்டு டிசம்பர் மாத இறுதியில் திறக்கப்பட்டது.
பயணிகளுக்கு அனைத்து வசதிகளும் செய்யப்பட்டுள்ளன. கிளாம்பாக்கம் பேருந்து நிலையத்தில் ஆம்னி பேருந்துகள் பயணிகளை ஏற்றிச் செல்லும் வசதி உள்ளது. ஆனால், வாகன நிறுத்தம் மற்றும் பராமரிப்புக்கு போதிய வசதிகள் இல்லாததால், தனியாக ஆம்னி பேருந்து நிலையம் அமைக்க வேண்டிய நிலை ஏற்பட்டுள்ளது.
முடிச்சூரில் 5 ஏக்கர் பரப்பளவில் 42.7 கோடி செலவில் ஆம்னி பேருந்து நிலையம் கட்டப்பட்டு வருகிறது. இந்த நிலையத்தில் மொத்தம் 117 பேருந்துகள் நின்று செல்ல முடியும். மேலும், 100 பணியாளர்கள் தங்கும் வசதி உள்ளது. கடந்த சில மாதங்களாக கட்டுமான பணிகள் முழுவீச்சில் நடந்து வருகிறது.
95 சதவீத பணிகள் முடிவடைந்துள்ளதாக அதிகாரிகள் தெரிவித்தனர். புதிய ஆம்னி பேருந்து நிலையம் செல்லும் சாலையை முக்கிய சாலைகளுடன் இணைக்கும் பணி நடைபெற்று வருகிறது. தீபாவளி பண்டிகையை முன்னிட்டு, இம்மாத இறுதிக்குள் பணிகள் முடிக்கப்படும் என அதிகாரிகள் தெரிவித்தனர்.
புதிய நிலையத்தில் உணவகங்கள், கழிவறைகள், தண்ணீர் வசதி உள்ளிட்ட அடிப்படை வசதிகள் உள்ளன. கட்டுமானத்தின் போது தண்ணீர் தேங்காமல் இருக்க தரை தளம் உயர்த்தப்பட்டுள்ளது. இதனால் மழைக்காலத்தில் தண்ணீர் தேங்குவதில்லை என்றும் அதிகாரிகள் கூறுகின்றனர். முடிச்சூர் அருகே 5 கி.மீ., தூரத்தில் புதிய ஆம்னி பஸ் நிலையம் கட்டப்பட்டு வருகிறது.
