சென்னை: சர்வதேச அளவில் போக்குவரத்து சிக்னல்கள் பயன்பாட்டுக்கு வந்து 100 ஆண்டுகள் ஆகிறது. இதனை நினைவு கூறும் வகையில் ஒவ்வொரு ஆண்டும் ஆகஸ்ட் 5ஆம் தேதி ‘சர்வதேச போக்குவரத்து சிக்னல் தினம்’ கொண்டாடப்படுகிறது.
அதன் ஒரு பகுதியாக சென்னை அண்ணா சாலையில் உள்ள பெரியார் சிலை சந்திப்பு, அண்ணா சிலை சந்திப்பு, ஜெனரல் பீட்டர்ஸ் சாலை சந்திப்பு, ஸ்பென்சர் சந்திப்பு, திரு.வி.கனகர் சந்திப்பு ஆகிய 5 இடங்களில் நேற்று இதய வடிவிலான போக்குவரத்து சிக்னல்கள் ஒளிரச் செய்யப்பட்டன.
போக்குவரத்து விழிப்புணர்வை ஏற்படுத்தவே இதுபோன்ற விளக்குகள் பொருத்தப்பட்டதாக போக்குவரத்து போலீசார் தெரிவித்தனர். இதய வடிவிலான போக்குவரத்து சிக்னல்களை கடந்து சென்ற வாகன ஓட்டிகள் ஆச்சரியமடைந்தனர்.
